| e-texts navigator |
| Wylie |
130b1 ཞེས་བྱ་བ་ཅི་ལ་བྱ་ཞེ་ན། འདི་ལྟ་སྟེ། ཐེག་པ་ཆེན་པོ་དེ་ཉིད་ལ་སེམས་གཞོལ་བ་དང་། འདུན་པ་དང་། མངོན་པར་ཕྱོགས་པ་དང་། ཡོངས་སུ་ཕྱོགས་ཏེ་ཐེག་པ་གཞན་དུ་མ་ཡིན་པའོ། །
130b2 དེའི་ཕྱིར་ཡོངས་སུ་བསྔོ་བ་ཞེས་བྱའོ། །བློ་གྲོས་རྒྱ་མཚོ། འདི་ལྟ་སྟེ། དཔེར་ན། རྫ་མཁན་གྱིས་འཇིམ་པའི་གོང་བུ་འཁོར་ལོའི་སྟེང་དུ་བཞག་ཀྱང་མ་བསྐོར་ན། སྣོད་ཀྱི་མིང་མི་འཐོབ་སྟེ།
130b3 འཛིམ་པའི་གོང་བུ་ཉིད་ཀྱི་གྲངས་སུ་འགྲོའོ། །གང་གི་ཚེ་བསྐོར་བར་གྱུར་པ་དེའི་ཚེ་སྣོད་ཀྱི་མིང་འཐོབ་བོ། །བློ་གྲོས་རྒྱ་མཚོ། དེ་བཞིན་དུ་བྱང་ཆུབ་སེམས་དཔས་དགེ་བའི་རྩ་བ་ཤིན་ཏུ་མང
130b4 པོ་བསགས་པའང་ཐམས་ཅད་མཁྱེན་པ་ཉིད་དུ་ཡོངས་སུ་མ་བསྡོས་ན། ཕ་རོལ་ཏུ་ཕྱིན་པའི་མིང་མི་འཐོབ་ཀྱི། གང་གི་ཚེ་ཐམས་ཅད་མཁྱེན་པ་ཉིད་དུ་ཡོངས་སུ་བསྔོས་པར་གྱུར་པ་དེའི་ཚེ་ཕ
130b5 རོལ་ཏུ་ཕྱིན་པའི་མིང་འཐོབ་བོ། །བློ་གྲོས་རྒྱ་མཚོ། འདི་ལྟ་སྟེ། དཔེར་ན། གསེར་དུལ་མའི་གར་བུ་ཡོངས་སུ་མ་བསྒྱུར་ན། རྒྱན་གྱི་མིང་མི་འཐོབ་སྟེ། གསེར་གྱི་གར་བུ་ཉིད་ཀྱི་གྲངས་སུ
130b6 འགྲོའོ|་|དེ་ཉིད་ཡོངས་སུ་བསྒྱུར་ན། རྒྱན་གྱི་མིང་འཐོབ་བོ། །བློ་གྲོས་རྒྱ་མཚོ། དེ་བཞིན་དུ་བྱང་ཆུབ་སེམས་དཔའི་དགེ་བའི་རྩ་བའང་ཡོངས་སུ་མ་བསྔོས་ན། ཕ་རོལ་ཏུ་ཕྱིན་པའི་མིང
130b7 མི་འཐོབ་ཀྱི། དེ་ཉིད་ཡོངས་སུ་བསྡོས་ན། ཕ་རོལ་ཏུ་ཕྱིན་པའི་མིང་འཐོབ་བོ། །བློ་གྲོས་རྒྱ་མཚོ། དེ་ལྟ་བས་ན། བྱང་ཆུབ་སེམས་དཔས་རྟག་པར་རྒྱུན་དུ་འདྲེས་པ་མེད་པའི་ཡིད་ཀྱིས་དགེ
iiif viewer powered by OpenSeadragon
