| e-texts navigator |
| Wylie |
129b1 འགྱུར་རོ། །དེ་ཅིའི་སླད་དུ་ཞེ་ན། བཅོམ་ལྡན་འདས། རྩཝ་དང་། སོག་མ་ནི། འཚིག་པའི་བདག་ཉིད་ལགས་ཏེ། ཞུགས་ཀྱིས་འཚིག་པ་སྲུང་མི་བཟོད་དོ། །བཅོམ་ལྡན་འདས་ཀྱིས
129b2 བཀའ་སྩལ་པ། བློ་གྲོས་རྒྱ་མཚོ། ཇི་ལྟར་རྡོ་རྗེའི་གོ་ཆ་བགོས་པའི་མི་དེ་མེའི་ནང་དུ་སོང་ཡང་མི་འཚིག་པ་དེ་བཞིན་དུ་བྱང་ཆུབ་སེམས་དཔའ་འབྱམས་པ་ཆེན་པོ་དང་། སྙིང་རྗེའི་གོ
129b3 ཆ་དང་། ལྷག་པའི་བསམ་པ་སྲ་བའི་རྡོ་རྗེའི་གོ་ཆ་བགོས་ནས་སེམས་ཅན་རབ་ཏུ་ཐར་པར་བྱ་བར་དམིགས་པ་ལ་གནས་ཏེ་ཆོས་ཐམས་ཅད་ལ་སྟོང་པ་ཉིད་དང་། མཚན་མ་མེད་པ་དང་།
129b4 སྨོན་པ་མེད་པ་དང་། མངོན་པར་འདུ་མི་བྱེད་པ་དང་། མ་སྐྱེས་པ་དང་། མ་བྱུང་བར་རྟོགས་པའང་བཏང་ལ་ཞི་བའི་ཏིང་ངེ་འཛིན་དེ་ལའང་སྙོམས་པར་འཇུག་ཅིང་ཉན་ཐོས་དང་རང་སངས
129b5 རྒྱས་ཀྱི་ངེས་པར་གྱུར་པ་ལའང་མི་འཇུག་། འབྲས་བུ་ཐོབ་པར་ཡང་མི་བྱེད་པར་ཏིང་ངེ་འཛིན་དེའང་མྱོང་ཞིང་ཟིལ་གྱིས་མནན་ཅིང་མ་ཉམས་མ་སྣད་པར་ལྡང་ངོ་། །ལངས་ནས་ཀྱང
129b6 སངས་རྒྱས་ཀྱི་ཞིང་ཡོངས་སུ་སྦྱོང་། སངས་རྒྱས་ཀྱི་ཡེ་ཤེས་ཡོངས་སུ་རྫོགས་པར་བྱེད་དོ། །བློ་གྲོས་རྒྱ་མཚོ། ཇི་ལྟར་རྩཝ་དང་། སོག་མའི་གོ་ཆ་བགོས་པའི་མི་དེ་མཆོངས་མ་ཐག་ཏུ
129b7 མེས་ཚིག་པར་འགྱུར་བ་དེ་བཞིན་དུ་བློ་གྲོས་རྒྱ་མཚོ། ཉན་ཐོས་ཀྱི་ཐེག་པ་པའི་གང་ཟག་འཁོར་བས་འཇིགས་སྐྲག་པ་སྲིད་པ་ལ་ཀུན་ཏུ་འབར་བར་བལྟ་སྟེ། སེམས་ཅན་རྣམས་ཡལ
iiif viewer powered by OpenSeadragon
