| e-texts navigator |
| Wylie |
124b1 རབ་བརྩེགས་ཞེས་བྱ་བ་འཁོར་དེ་ཉིད་དུ་འདུས་པར་གྱུར་ཏེ་འདུག་པ་དེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་གསུངས་པའི་དོན་ཇི་ལྟར་བདག་གིས་འཚལ་བ་ལྟར
124b2 ན|་བདག་འདི་སྙམ་བགྱིད་དེ། བཅོམ་ལྡན་འདས། འདི་ལྟར་སངས་རྒྱས་བྱུང་བ་ནི། འཇིགས་ཚོགས་ལ་ལྟ་བ་བྱུང་བའོ། །བཅོམ་ལྡན་འདས། སངས་རྒྱས་བྱུང་བ་ནི། མ་རིག་པ་དང་། སྲིད་པ
124b3 དང་། སྲེད་པ་བྱུང་བའོ། །བཅོམ་ལྡན་འདས། སངས་རྒྱས་བྱུང་བ་ནི། འདོད་ཆགས་དང་། ཞེ་སྡང་དང་། གཏི་མུག་བྱུང་བའོ། །བཅོམ་ལྡན་འདས། སངས་རྒྱས་བྱུང་བ་ནི། ཕྱིན་ཅི་ལོག་བཞི་བྱུང
124b4 བའོ|་|བཅོམ་ལྡན་འདས། སངས་རྒྱས་བྱུང་བ་ནི། སྒྲིབ་པ་ལྔ་བྱུང་བའོ། །བཅོམ་ལྡན་འདས། སངས་རྒྱས་བྱུང་བ་ནི། སྐྱེ་མཆེད་དྲུག་བྱུང་བའོ། །བཅོམ་ལྡན་འདས། སངས་རྒྱས་བྱུང་བ་ནི།
124b5 རྣམ་པར་ཤེས་པའི་གནས་བདུན་བྱུང་བའོ། །ལོག་པ་ཉིད་བརྒྱད་བྱུང་བའོ། །གནོད་པའི་དངོས་པོ་དགུ་བྱུང་བའོ། །བཅོམ་ལྡན་འདས། སངས་རྒྱས་བྱུང་བ་ནི། མི་དགེ་བ་བཅུའི་ལས་ཀྱི་ལམ
124b6 བྱུང་བའོ། །དེ་ཅིའི་སླད་དུ་ཞེ་ན། བཅོམ་ལྡན་འདས། སྡིག་པ་མི་དགེ་བའི་ཆོས་དེ་དག་སྤང་བའི་སླད་དུ་སངས་རྒྱས་བྱུང་བ་ལེགས་ཀྱི། བཅོམ་ལྡན་འདས། སངས་རྒྱས་བྱུང་བ་གཉེན་པོས
124b7 རབ་ཏུ་ཕྱེ་བ་ནི། མ་ལགས་ཏེ། བཅོམ་ལྡན་འདས། སངས་རྒྱས་བྱུང་བ་ནི། གཉེན་པོ་མ་མཆིས་པ། གཉེན་པོ་དང་བྲལ་བའོ། །བཅོམ་ལྡན་འདས། སངས་རྒྱས་བྱུང་བ་ནི། རྗེས་སུ་མཆི་བར
iiif viewer powered by OpenSeadragon
