| e-texts navigator |
| Wylie |
122a1 པའི་ལམ་ལས་ཤིན་ཏུ་འདའ་བར་འགྱུར་བའོ། །འགོག་པ་མེད་པ་ལ་འཇུག་པའི་ཕྱིར་ཆོས་ཐམས་ཅད་མ་བྱུང་བ་འདི་ནི། རྡོ་རྗེའི་ཚིག་སྟེ། རྡོ་རྗེའི་ཚིག་འདི་ནི།
122a2 ཆོས་ཐམས་ཅད་སྐྱེ་བ་མེད་པ་དང་། འགག་པ་མེད་པར་འགྱུར་བའོ། །བློ་གྲོས་རྒྱ་མཚོ། རྡོ་རྗེའི་ཚིག་དེ་དག་ནི། མི་ཕྱེད་པའི་ཚིག་།སྙིང་པོའི་ཚིག་།མཉམ་པའི་ཚིག། བདེན་པའི་ཚིག་།བརྟན
122a3 པའི་ཚིག། ཐ་དད་མེད་པའི་ཚིག་།རྗེས་སུ་འགྲོ་བའི་ཚིག་།རྒྱུན་ཆད་པ་མེད་པའི་ཚིག་།ཞི་བ་དང་རབ་ཏུ་ཞི་བ་དང་ཉེ་བར་ཞི་བའི་ཚིག་།སྐྱོན་དུ་བྱ་བ་མེད་པའི་ཚིག་།སྒྲོ་བཏགས་པ་མེད་པའི
122a4 ཚིག་། འགྲོ་བ་མེད་པ་རྟོགས་པ་ལ་འཇུག་པའི་ཚིག་།འགྲོ་བ་མེད་པའི་ཚིག་།དེ་ཁོ་ནའི་ཚིག་།ཡང་དག་པའི་ཚིག་།སངས་རྒྱས་དང་མི་འགལ་བའི་ཚིག་།ཆོས་མི་སྤོང་བའི་ཚིག་།དགེ་འདུན
122a5 ཡོངས་སུ་སྡུད་པའི་ཚིག་། ཇི་ལྟ་བ་བཞིན་གྱི་ཚིག་།འཁོར་གསུམ་ཡོངས་སུ་དག་པའི་ཚིག་།དཔའ་བོའི་ཚིག་།ཚངས་པའི་ཚིག་།གཡོ་བ་མེད་པའི་ཚིག་།ནམ་མཁའ་དང་མཉམ་པའི་ཚིག་།
122a6 བྱང་ཆུབ་ཀྱི་རྗེས་སུ་འགྲོ་བའི་ཚིག་།མཚན་མ་མེད་པའི་ཚིག་།ཆོས་ཀྱི་མཚན་ཉིད་མཚན་ཉིད་མེད་པའི་ཚིག་།སེམས་དང་ཡིད་དང་རྣམ་པར་ཤེས་པ་ལ་མི་གནས་པའི་ཚིག་།བདུད་དང་ཕྱིར
122a7 རྒོལ་བ་བཅོམ་པའི་ཚིག་། དག་ཅིང་དྲི་མ་མེད་ལ་འོད་གསལ་བའི་ཚིག་།བྱང་ཆུབ་ལ་རྣམ་པར་ལྟ་བའི་ཚིག་།ཤེས་རབ་ཀྱི་སྣང་བའི་ཚིག་།མུན་པ་མེད་ཅིང་བསལ་བའི་ཚིག་།ཤིན་ཏུ་སྐྱེ་བ
iiif viewer powered by OpenSeadragon
