| e-texts navigator |
| Wylie |
116b1 ཤེས་ལྔ་དང་སངས་རྒྱས་ཀྱི་ནི་ཡང་དག་རིག་། རྟོན་པ་བཞི་དང་ཆོས་ཀྱི་སྦྱིན་པ་དམ་པ་རྣམས། །ཐམས་ཅད་སངས་རྒྱས་ཐེག་པ་དམ་པ་འདི་ལས་འབྱུང་། །གང་གིས་མི་དབང་སངས
116b2 རྒྱས་སེངྒེའི་སྒྲ་སྒྲོག་པ། །སྟོབས་བཅུའི་སངས་རྒྱས་ཆོས་རྣམས་མཐའ་ཡས་གང་ཡིན་དང་། །སྨིན་མཚམས་སྤུ་དང་སྤྱི་གཙུག་བལྟར་ནི་མི་མཐོང་བ། །ཐེག་པ་མཆོག་ལ་གནས
116b3 པས་རྙེད་པར་དཀའ་མ་ཡིན། །གང་གིས་འགྲོ་བ་འདུལ་ཞིང་བསམ་པ་ཚིམ་བྱེད་པ། །རྒྱལ་བ་རྣམས་ཀྱི་ཆོ་འཕྲུལ་ཁྱད་འཕགས་གསུམ་གང་དང་། །ཐུབ་པའི་བསྟན་པ་གཞར་ཡང་དོན
116b4 མེད་མི་འགྱུར་བ། །དེ་དག་ཐེག་པ་མཆོག་ལ་གནས་པ་མྱུར་དུ་འཐོབ། །འཇིག་རྟེན་ཀུན་ན་སྐད་ཀྱི་རྣམ་པ་ཇི་སྙེད་པ། །ཐམས་ཅད་སྟོབས་བཅུའི་གསུང་ནི་འཁྲུལ་པ་མེད་པ་དང་། །མཉེན
116b5 འཇམ་ཡིད་འོང་དོན་ལྡན་ཁ་ན་མ་ཐོ་མེད། །ཚངས་དང་མི་ཅིའི་དབྱངས་འདྲ་གསུང་རྒྱ་ཆེན་པོས་ཚིམ། །དེ་འདྲའི་སངས་རྒྱས་གསུང་ནི་མི་རིང་ཐོབ་འགྱུར་ཏེ། །ནམ་མཁའི་དཀྱིལ་ཚད
116b6 སངས་རྒྱས་ཞིང་རྣམས་གོ་བར་བྱེད། །ཇི་སྙེད་ཅིག་གིས་ཆོས་དོན་ལྡན་པའི་ཚིག་ཐོས་པས། །ཀུན་གྱིས་ཉོན་མོངས་ཐམས་ཅད་བསལ་ནས་བདེ་བར་འགྱུར། །རྫུ་འཕྲུལ་སྟོབས་ཀྱིས་ནམ་མཁའི
116b7 མཐའ་མར་བགྲོད་པར་ནུས། །ཕྱོགས་བཅུ་རྣམས་ཀྱི་རྒྱ་མཚོའི་ཆུ་ནི་ཚད་བྱར་ནུས། །སེམས་གཅིག་གིས་ནི་སེམས་ཅན་སྤྱོད་པ་མཐའ་ཡས་ཤེས། །སངས་རྒྱས་ཐེག་པའི་ཡོན་ཏན་བརྗོད་པས
iiif viewer powered by OpenSeadragon
