| e-texts navigator |
| Wylie |
112a1 ཁྱེར་རམ། གྲོང་རྡལ་དུ་མཆིས་ཏེ་སྐྱེ་བོའི་ཚོགས་ཕལ་པོ་ཆེ་ལ་བསྒོའོ་སྙམ་དུ་བསམ་ནས་སྐྱེས་བུ་ཁྱོད་ཚུར་ཤོག་།ཁྱེད་ཀྱི་ནང་ནས་སུ་ལ་རིན་པོ
112a2 ཆེ་དགོས་པ་ལ་ངས་གཏེར་ཆེན་པོ་ཟད་མི་ཤེས་པ་དེ་བསྟན་པར་བྱའོ། །ཞེས་བགྱིས་པ་དང་། བཅོམ་ལྡན་འདས། དེའི་ནང་ནས་ཁ་ཅིག་ནི། དེ་ལ་དད་པར་གྱུར། ཁ
112a3 ཅིག་ནི|་དད་པར་མ་གྱུར་ལ། དེའི་ནང་ནས་གང་དག་དད་པར་གྱུར་པ་དེ་དག་གཏེར་ཆེན་པོའི་གན་དུ་མཆིས་ཏེ་ཁ་ཅིག་ནི། སྟོབས་ཅི་ཙམ་པ་དེ་སྙེད་ཀྱི་རིན་པོ་ཆེ་རྣམས
112a4 འཚལ་ཏེ་མཆིས། ཁ་ཅིག་ནི། ཇི་ལྟར་རྟོགས་པ་དེ་འདྲ་བའི་རིན་པོ་ཆེ་འཚལ་ཏེ་མཆིས་ཀྱང་གཏེར་ཆེན་པོ་དེ་བས་པར་མི་འགྱུར་ཞིང་འདི་དག་ལ་ནི། སྩལ་ཏོ། །འདི
112a5 དག་ནི|་མི་སྩལ་ཏེ། འདི་དག་ནི། འཚལ་ཀྱང་རུང་། འདི་དག་ནི། འཚལ་དུ་མི་རུང་ངོ་། །སྙམ་དུ་ཡོངས་སུ་མི་རྟོག་གོ་།དེ་ཅིའི་སླད་དུ་ཞེ་ན། བཅོམ་ལྡན་འདས།
112a6 གཏེར་ཆེན་པོ་དེ་རྣམ་པར་མི་རྟོག་པའི་སླད་དུའོ། །དེ་བཞིན་དུ་བཅོམ་ལྡན་འདས་ཀྱིས་བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་གྲངས་མ་མཆིས་པར་ཆོས་རིན་པོ་ཆེའི་གཏེར
112a7 ཆེན་པོ་བླ་ན་མ་མཆིས་པ་འདི་བསྒྲུབས་སོ། །བསྒྲུབས་ནས་ཀྱང་བྱང་ཆུབ་ཀྱི་སྙིང་པོར་མངོན་པར་རྫོགས་པར་སངས་རྒྱས་སོ། །མངོན་པར་རྫོགས་པར་སངས་རྒྱས་ནས
iiif viewer powered by OpenSeadragon
