| e-texts navigator |
| Wylie |
109b1 སྟེ|་ཐོས་པ་ཉུང་དུས་གྲོང་དང་གྲོང་ཁྱེར་དང་གྲོང་རྡལ་དུ་འཇུག་པ་དང་། ཚུལ་ཁྲིམས་ཀྱི་ཕུང་པོ་ལ་མི་གནས་པར་རྙེད་པ་དང་བཀུར་སྟི་དང་ཚིགས་སུ་བཅད་པ་འདོད་པ་དང་། དབང་པོ་རྣམས་ཀྱི་སྒོ་མ
109b2 བསྲུངས་པར་བུད་མེད་ལ་ལྟ་བ་དང་། མཉམ་པར་མ་བཞག་པའི་སེམས་ཀྱི་སེམས་ཅན་གྱི་དབང་པོ་ལ་འཇུག་པའོ། །གཞན་ཡང་བཞི་སྟེ། བསྡུ་བའི་དངོས་པོ་ལ་མི་བརྩོན་པ་དང་། སེམས་ཅན
109b3 ཡོངས་སུ་སྨིན་པར་བྱེ་བ་ལ་གཡེལ་བ་དང་། ཆོས་སྤོང་གི་ལས་ཀུན་ཏུ་མི་སྲུང་བ་དང་། ཆོས་སྨྲ་བའི་གང་ཟག་རྣམས་ལ་གནོད་པ་བྱེད་པའོ། །གཞན་ཡང་བཞི་སྟེ། གཏི་མུག་གིས་འདོད
109b4 པ་ཆེ་བ་དང་། ཞེ་སྡང་གིས་སྡིག་པ་འདོད་པ་དང་། འདོད་ཆགས་ཀྱིས་ཆོག་མི་ཤེས་པ་དང་། ཆགས་པས་ངོམས་མི་མྱོང་བའོ། །གཞན་ཡང་བཞི་སྟེ། མ་དད་པས་མི་འདུན་པ་དང་། སྡིག
109b5 པའི་གྲོགས་པོ་དང་བསྟེན་པས་སྡིག་པ་ལ་མི་སྨོད་པ་དང་། ལེ་ལོས་དགེ་བའི་ཆོས་ཡོངས་སུ་འགྲིབ་པ་དང་། བག་མེད་པས་དགེ་བའི་རྩ་བ་བྱས་པ་རབ་ཏུ་འཇིག་པའོ། །གཞན་ཡང་བཞི་སྟེ།
109b6 ནང་དུ་སོ་སོར་མི་རྟོག་པས་ངོ་ཚ་མེད་པ་དང་། སངས་རྒྱས་ལ་མི་རྟོག་པས་ཁྲེལ་མེད་པ་དང་། མཚམས་མེད་པ་དང་མཚུངས་པས་བྱས་པ་མི་གཟོ་བ་དང་། རེ་བས་བྱས་ན་མི་འཇིགས་པའོ། །
109b7 གཞན་ཡང་བཞི་སྟེ། གནོད་སེམས་དང་། ཁོང་ཁྲོ་བ་དང་། འཁོན་དུ་འཛིན་པ་དང་། རྣམ་པར་འཚེ་བའོ། །གཞན་ཡང་བཞི་སྟེ། འཕགས་པ་རྣམས་ལ་སླུ་བ་དང་། འཕགས་པ
iiif viewer powered by OpenSeadragon
