| e-texts navigator |
| Wylie |
108b1 སེར་སྣའི་དྲི་མ་ཅན་གྱི་སེམས་དང་། སློང་བ་རྣམས་ལ་གནོད་པ་དང་ཐ་བ་ཅན་གྱི་སེམས་དང་། བྱིན་ནས་འགྱོད་པའི་སེམས་དང་། ཐམས་ཅད་མཁྱེན་པ་ཉིད་ལ་སེམས་མི་ཕྱོགས་པའོ། །
108b2 གཞན་ཡང་བཞི་སྟེ། འདུན་པས་སྦྱིན་པ་དང་། ཞེ་སྡང་གིས་སྦྱིན་པ་དང་། གཏི་མུག་གིས་སྦྱིན་པ་དང་། འཇིགས་པས་སྦྱིན་པའོ། །གཞན་ཡང་བཞི་སྟེ། བརྗོད་པས་སྦྱིན་པ་དང་།
108b3 གྲགས་པས་སྦྱིན་པ་དང་། སྒྲས་སྦྱིན་པ་དང་། ཚིགས་སུ་བཅད་པས་སྦྱིན་པའོ། །གཞན་ཡང་བཞི་སྟེ། ངོར་བལྟ་བའི་སྦྱིན་པ་དང་། སྐབས་ཅུང་ཟད་ཀྱི་ཕྱིར་སྦྱིན་པ་དང་། བརྙས
108b4 ཐབས་སུ་སྦྱིན་པ་དང་། རང་གི་ལག་ནས་སྦྱིན་པ་མ་ཡིན་པའོ། །གཞན་ཡང་བཞི་སྟེ། ངན་པ་སྦྱིན་པ་དང་། མི་བཟོད་པའི་སྦྱིན་པ་དང་། གུས་པར་མ་བྱས་པའི་སྦྱིན་པ་དང་།
108b5 མངོན་པའི་ང་རྒྱལ་གྱིས་སྦྱིན་པའོ། །གཞན་ཡང་བཞི་སྟེ། མཚོན་ཆ་སྦྱིན་པ་དང་། དུག་སྦྱིན་པ་དང་། རུང་བ་མ་ཡིན་པའི་སྦྱིན་པ་དང་། མི་ཆོག་པར་སྦྱིན་པའོ། །གཞན
108b6 ཡང་བཞི་སྟེ། ཚུལ་ཁྲིམས་དང་ལྡན་པ་རྣམས་ལ་ཞེ་སྡང་བ་དང་། ཚུལ་ཁྲིམས་འཆལ་བ་རྣམས་ལ་གནོད་པ་དང་ཐ་བའི་སེམས་དང་ལྡན་པ་དང་། བདག་ཉིད་ལྷོད་པ་དང་།
108b7 ཚུལ་ཁྲིམས་དང་སྡོམ་པའི་གཏམ་ལ་གསོད་པ་ལྟ་བུར་འདུ་ཤེས་པའོ། །གཞན་ཡང་བཞི་སྟེ། ཡ་ང་བའི་རྙེད་པ་ཡོངས་སུ་ཚོལ་བ་དང་། ཆོས་ཀྱིས་རྙེད་པ་ཀུན་ཏུ་འགྱེད་པར
iiif viewer powered by OpenSeadragon
