| e-texts navigator |
| Wylie |
107b1 དགེ་བའི་ཆོས་འདོད་པའོ། །གཞན་ཡང་གསུམ་སྟེ། ཟབ་མོའི་ཆོས་ལ་བཟོད་པ་དང་། ཆོས་སྣ་ཚོགས་སྟོན་པ་དང་། སྤོབས་པ་ཀུན་ཏུ་འགྲོ་བའོ། །གཞན
107b2 ཡང་གསུམ་སྟེ། ཐོས་པ་རྣམ་པར་ངེས་པའི་གཟུངས་དང་། སངས་རྒྱས་ཀྱིས་བྱིན་གྱིས་བརླབས་པའི་སྤོབས་པ་དང་། ལྷས་ཡོངས་སུ་བཟུང་བའི་ཆོས་ཀྱི་གཏམ
107b3 མོ|་|གཞན་ཡང་གསུམ་སྟེ། ས་ལྟ་བུའི་སེམས་དང་པོ་བསྐྱེད་པ་དང་། སྤྱོད་པ་ཐམས་ཅད་ཉམས་འོག་ཏུ་ཆུད་པར་བྱེད་པའི་སྤྱོད་པ་དང་འབྲེལ་བ་དང་། འདུ་ཤེས
107b4 ཐམས་ཅད་ལོག་པའི་ཕྱིར་མི་ལྡོག་པའི་སའོ། །གཞན་ཡང་གསུམ་སྟེ། སྒྲའི་རྗེས་སུ་འགྲོ་བའི་བཟོད་པ་ཡོངས་སུ་རྫོགས་པར་བྱེད་པ་དང་། བསམ་པ་ལས་བྱུང
107b5 བའི་བཟོད་པ་འཕྲོ་བ་མེད་པ་དང་། མི་སྐྱེ་བའི་ཆོས་ལ་བཟོད་པ་ཐོབ་བོ། །བློ་གྲོས་རྒྱ་མཚོ། གཞན་ཡང་ཐེག་པ་ཆེན་པོ་སྟོན་པར་འགྱུར་བའི་ཆོས་གསུམ་སྟེ། གསུམ
107b6 གང་ཞེ་ན། ཐབས་དང་ཤེས་རབ་དང་རབ་ཏུ་ལྡན་པའི་ལམ་སྒོམ་པ་དང་། བྱམས་པ་ཆེན་པོ་དང་། སྙིང་རྗེ་ཆེན་པོ་དང་རབ་ཏུ་ལྡན་པར་སེམས་ཅན་ཡོངས་སུ་སྨིན་པར་བྱེད
107b7 པ་དང་། བརྩོན་འགྲུས་དང་བག་ཡོད་པ་དང་རབ་ཏུ་ལྡན་པར་དམ་པའི་ཆོས་ཡོངས་སུ་འཛིན་པ་སྟེ། བློ་གྲོས་རྒྱ་མཚོ། ཆོས་གསུམ་པོ་དེ་དག་ནི། ཐེག་པ་ཆེན་པོ་སྟོན་པར་འགྱུར
iiif viewer powered by OpenSeadragon
