| e-texts navigator |
| Wylie |
104b1 པས་བདེན་པ་དང་། མི་སླུ་བས་ཡང་དག་པ་དང་། དེ་བཞིན་ཉིད་པས་དེ་ཁོ་ནའོ། །གཞན་ཡང་གསུམ་སྟེ། བདག་ཅི་འདྲ་ཞེས་བདག་ཤེས་པ་དང་། གཏམ་ཅི་འདྲ་བ་ཞིག་བྱ་ཞེས
104b2 སེམས་ཅན་ཤེས་པ་དང་། དུས་སུ་གནས་པས་དུས་ཤེས་པའོ། །གཞན་ཡང་གསུམ་སྟེ། ཕུང་པོ་རྣམས་ལ་ཆོས་ཀྱི་ཕུང་པོ་དང་མཉམ་པ་ཉིད་དང་། ཁམས་ལ་ཆོས་ཀྱི་དབྱིངས་དང
104b3 མཉམ་པ་ཉིད་དང་། སྐྱེ་མཆེད་རྣམས་ལ་གྲོང་སྟོང་པ་ལྟར་སོ་སོར་རྟོག་པའོ། །གཞན་ཡང་གསུམ་སྟེ། རྒྱུས་འབྲས་བུ་ཆུད་མི་གཟོན་པ་དང་། རྐྱེན་རྣམས་ཀྱིས་འཕེལ་བ་ལ
104b4 མཁས་པ་དང་། ཚོགས་ནས་ཕན་ཚུན་ཡང་དག་པར་འདུ་བའོ། །གཞན་ཡང་གསུམ་སྟེ། སངས་རྒྱས་དང་མི་འགལ་བ་དང་། ཆོས་མི་སྤོང་བ་དང་། དགེ་འདུན་ལ་ང་རྒྱལ་མེད
104b5 ཅིང་བླ་མར་གུས་པར་བསྙེན་བཀུར་བྱེད་པའོ། །གཞན་ཡང་གསུམ་སྟེ། འདོད་ཆགས་རབ་ཏུ་ཞི་བ་དང་། ཞེ་སྡང་དང་བྲལ་བ་དང་། གཏི་མུག་ཡང་དག་པར་བཅོམ་པའོ། །གཞན
104b6 ཡང་གསུམ་སྟེ། ཀུན་རྫོབ་ཀྱི་བདེན་པ་ལ་འཇུག་པ་དང་། མཚན་ཉིད་ཀྱི་བདེན་པ་སྟོན་པ་དང་། དོན་དམ་པའི་བདེན་པ་ལ་གནས་པའོ། །གཞན་ཡང་གསུམ་སྟེ། སེམས་ཅན
104b7 རྣམས་ལ་བརྙས་པ་མེད་པ་དང་། སྦྱིན་གནས་རྣམས་ལ་རབ་ཏུ་འདུད་པ་དང་། ཉོན་མོངས་པ་རྣམས་སུ་མི་ལྟུང་བའོ། །གཞན་ཡང་གསུམ་སྟེ། འདོད་པའི་ཁམས་ཀྱིས་མི
iiif viewer powered by OpenSeadragon
