| e-texts navigator |
| Wylie |
103a1 པ་ལས་འབྱུང་བ་སྟེ། བློ་གྲོས་རྒྱ་མཚོ། ཆོས་དེ་གཉིས་ནི། ཐེག་པ་ཆེན་པོ་ལ་དཀའ་བ་བྱེད་པའོ། །བློ་གྲོས་རྒྱ་མཚོ། གཞན་ཡང་ཐེག་པ་ཆེན་པོ་སྟོན
103a2 པར་འགྱུར་བའི་ཆོས་གསུམ་སྟེ། གསུམ་གང་ཞེ་ན། འདི་ལྟ་སྟེ། དགེ་བའི་རྩ་བས་བརྟན་ནས་བྱང་ཆུབ་ཏུ་སེམས་བསྐྱེད་པ་དང་། དགེ་བའི་བཤེས་གཉེན་གྱིས་ཡོངས་སུ་ཟིན
103a3 པས་ཞུམ་པ་མེད་པ་དང་། སྙིང་རྗེ་ཆེན་པོ་ལ་རབ་ཏུ་གནས་པས་ཕྱིར་མི་ལྡོག་པ་སྟེ། བློ་གྲོས་རྒྱ་མཚོ། ཆོས་གསུམ་པོ་དེ་དག་ནི། ཐེག་པ་ཆེན་པོ་སྟོན་པར་འགྱུར་བའོ། །
103a4 གཞན་ཡང་ཐེག་པ་ཆེན་པོ་སྟོན་པར་འགྱུར་བའི་ཆོས་གསུམ་སྟེ། གསུམ་གང་ཞེ་ན། ཚོགས་ཡོངས་སུ་ཚོལ་བ་དང་། ཚོགས་ལ་སོ་སོར་རྟོག་པ་དང་། ཚོགས་ལ་སེམས
103a5 ཅན་སྦྱོར་བ་སྟེ། གསུམ་པོ་དེ་དག་གོ་།གཞན་ཡང་གསུམ་སྟེ། གསུམ་གང་ཞེ་ན། སེར་སྣ་ཚར་གཅོད་པ་དང་། གཏོང་བ་འཕེལ་བར་བྱེད་པ་དང་། བྱང་ཆུབ་ཏུ་ཡོངས་སུ
103a6 བསྔོ་བ་སྟེ། གསུམ་པོ་དེ་དག་གོ་།གཞན་ཡང་གསུམ་སྟེ། ཚུལ་ཁྲིམས་ཡང་དག་པར་འཛིན་པ་དང་། ཚུལ་ཁྲིམས་འཆལ་བའི་སེམས་ཅན་ཡོངས་སུ་སྨིན་པར་བྱེད་པ
103a7 དང་། བྱང་ཆུབ་ཏུ་ཡོངས་སུ་བསྔོ་བའོ། །གཞན་ཡང་གསུམ་སྟེ། ཁོང་ཁྲོ་བ་མེད་པའི་སེམས་དང་། སེམས་ཅན་ཁྲོས་པ་དང་བར་བྱེད་པ་དང་། བྱང་ཆུབ་ཏུ་ཡོངས་སུ
iiif viewer powered by OpenSeadragon
