| e-texts navigator |
| Wylie |
239a1 ཅན་གང་དག་དགེ་བའི་ཆོས་རྣམས་ལ་མངོན་པར་མི་བརྩོན་པ་དང་། གང་དག་དེ་བཞིན་གཤེགས་པའི་ཡུལ་ལ་དད་པར་མི་བྱེད་པ་དེ་དག་ཁྱོད་ཀྱི་གྲོགས་ཡིན
239a2 ལ|་ཁྱོད་ཀྱང་དེ་དག་གི་གྲོགས་ཡིན་པས་སྡིག་ཅན། ཁྱོད་ཀྱི་གྲོགས་མང་དུ་ཡོད་ཀྱི། སྡིག་ཅན། དུ་བར་མ་བྱེད། སྨྲེ་སྔགས་མ་འདོན་ཅིག་།དེ་ནས་བཅོམ་ལྡན་འདས་ཀྱིས་དེའི་ཚེ
239a3 ཕྱག་གི་སེན་མོའི་རྩེ་མོས་ས་གཞི་ཆེན་པོ་ལས་སའི་རྡུལ་ཞིག་བླངས་ནས་བདུད་སྡིག་ཅན་ལ་བཀའ་སྩལ་པ། སྡིག་ཅན། འདི་ཇི་སྙམ་དུ་སེམས། ཅི་སེན་མོའི་རྩེ་མོ་ལ་བརྟེན་པ་དང
239a4 ས་གཞི་ཆེན་པོ་ལ་བརྟེན་པའི་རྡུལ་གང་ཡིན་པ་དེ་གཉིས་གང་མང་སྙམ་སེམས། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་བདུད་སྡིག་ཅན་གྱིས་འདི་སྐད་གསོལ་ཏོ། །
239a5 བཅོམ་ལྡན་འདས། བཅོམ་ལྡན་འདས་ཀྱི་ཕྱག་གི་སེན་མོའི་རྩེ་མོ་ལ་མཆིས་པའི་དོག་སའི་རྡུལ་ནི། ཉུང་གི་།གཞི་ཆེན་པོ་ལ་མཆིས་པ་ནི། ཤིན་ཏུ་མང་ལགས་སོ། །དེ་སྐད་ཅེས་གསོལ་པ
239a6 དང་། བཅོམ་ལྡན་འདས་ཀྱིས་བདུད་སྡིག་ཅན་ལ་འདི་སྐད་ཅེས་བཀའ་སྩལ་ཏོ། །སྡིག་ཅན། འདི་ལྟ་སྟེ། དཔེར་ན། ངའི་སེན་མོའི་རྩེ་མོ་ལ་འདུག་པའི་རྡུལ་བས་ཀྱང་ཆེས་ཉུང་བའི
239a7 སེམས་ཅན་དག་ངས་ཉོན་མོངས་པ་ཟད་པར་བྱས་ཏེ་ཡོངས་སུ་མྱ་ངན་ལས་འདས་པ་བླ་ན་མེད་པ་ལ་སོ་སོར་བཀོད་ཀྱི། སྡིག་ཅན། འདི་ལྟ་སྟེ། དཔེར་ན། ས་གཞི་ཆེན་པོ་ལ་བརྟེན་པའི
iiif viewer powered by OpenSeadragon
