| e-texts navigator |
| Wylie |
237b1 གང་དག་ད་ལྟར་བཞུགས་ཏེ་འཚོ་ཞིང་གཞེས་པ་དག་ཀྱང་གཟིགས་སོ། །མཚན་དེ་ལྟ་བུའི་སངས་རྒྱས་བཅོམ་ལྡན་འདས་ཡོངས་སུ་མྱ་ངན་ལས་འདའ་བ་དག་དང་། བཞུགས་པ་དག་དང་།
237b2 ཆོས་ཀྱི་འཁོར་ལོ་བསྐོར་བ་དག་ཀྱང་གཟིགས་ཏེ། ངའི་ཤའི་སྤྱན་ཐ་མལ་པ་སྒྲིབ་པ་མེད་པ། ཐོགས་པ་མེད་པ། ཆགས་པ་མེད་པའི་ཡུལ་དུ་སྣང་བ་ནི། དེ་དག་ཡིན་ཏེ། དེ་བཞིན
237b3 གཤེགས་པས་དེ་ལྟར་རབ་ཏུ་མཁྱེན་ཏོ། །དེ་བཞིན་གཤེགས་པས་རབ་ཏུ་མཁྱེན་པ་གང་ཡིན་པ་ནི། དེ་བས་ཀྱང་ལྷག་པ་དང་། ལྷག་པ་བས་ཀྱང་ལྷག་པ་དང་། བསམ་གྱིས་མི་ཁྱབ
237b4 པ་དང་། ཆེས་བསམ་གྱིས་མི་ཁྱབ་པ་དང་། གོང་མ་དང་། ཆེས་གོང་མ་དང་། ཚད་མེད་པ་དང་། ཆེས་ཚད་མེད་པ་དག་ཀྱང་རབ་ཏུ་མཁྱེན་ཏོ། །ཤའི་སྤྱན་ཐ་མལ་པས་ཀྱང་དེ་ལྟར་དེ་བཞིན
237b5 གཤེགས་པ་ཚད་མེད་པ་དང་། དེ་ལྟར་གཞལ་དུ་མེད་པ་དང་། དེ་ལྟར་བགྲང་དུ་མེད་པ་དང་། དེ་ལྟར་གྲངས་མེད་པ་ཡིན་ན། སངས་རྒྱས་ཀྱི་ཆོས་རྣམས་ཀྱིས་ལྟ་སྨོས་ཀྱང་ཅི་དགོས། དགེ
237b6 སློང་དག། འདི་ལྟ་སྟེ། དཔེར་ན། ཁྱིམ་པའམ་རབ་ཏུ་བྱུང་བ་གང་ལ་ལ་ཞིག་གིས་སངས་རྒྱས་ཀྱི་ཞིང་འདིའི་སེམས་ཅན་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ
237b7 མངོན་པར་རྫོགས་པར་སངས་རྒྱས་ཏེ་སྟོབས་བཅུ་དང་། མི་འཇིགས་པ་ཐོབ་པར་གྱུར་པ་དེ་དག་ལ་བསྐལ་པ་ཡོངས་སུ་རྫོགས་པར་བཀུར་སྟིར་བྱས། བླ་མར་བྱས། རི་མོར་བྱས། མཆོད
iiif viewer powered by OpenSeadragon
