| e-texts navigator |
| Wylie |
9b1 འདོན་ཏེ། དེ་བཞིན་གཤེགས་པའི་ཞབས་དྲུང་ན་སྲོག་ཆགས་ཤི་ཤུ་མ་ར་བཞིན་དུ་འགྲེ་ལྡོག་ཅིང་གསོལ་བ་འདེབས་ཏེ། བཅོམ་ལྡན་འདས་དེ་བཞིན་གཤེགས་པ་དགེ་སློང་གི་དགེ་འདུན
9b2 གྱི་འཁོར་དང་བཅས་པས་བདག་གིས་སྦྱར་བའི་བཤོས་གསོལ་བར་ཅི་གནང་། བཅོམ་ལྡན་འདས། བདག་ལ་ཐུགས་བརྩེ་བའི་སླད་དུ་སྦྱིན་པའི་ཐ་མ་དེ་བཞིན་གཤེགས་པས་བཞེས་སུ
9b3 གསོལ་ཞེས་གསོལ་བ་འདེབས་སོ། །དེ་ནས་བཅོམ་ལྡན་འདས་ཐམས་ཅད་མཁྱེན་བཞིན་དུ་ཅང་མི་གསུང་བར་གྱུར་ཏོ། །དེ་དག་གིས་ལན་གཉིས་ལན་གསུམ་དུ་དེ་སྐད་ཅེས་གསོལ་ཀྱང
9b4 ལན་གཉིས་ལན་གསུམ་དུ་བཅོམ་ལྡན་འདས་ཅང་མི་གསུང་བར་གྱུར་ཏོ། །དེ་ནས་དགེ་བསྙེན་གྱི་ཚོགས་དེ་དག་རེ་ཐག་ཆད་དེ་ཅང་མི་ཟེར་བར་འཁོད་ནས་བུ་གཅིག་པ་ཤི་ནས་དུར་ཁྲོད་དུ་བོར
9b5 མ་ཐག་པའི་ཕ་མ་འགྲེ་ལྡོག་པ་བཞིན་དུ་ཤིན་ཏུ་སྡུག་བསྔལ་བར་གྱུར་ཏོ། །དེ་བཞིན་དུ་དགེ་བསྙེན་དེ་དག་ཐམས་ཅད་མཆོག་ཏུ་སྡུག་བསྔལ་བར་གྱུར་པ་ལས་ལངས་ཏེ། རང་རང་གི་མཆོད
9b6 པའི་ཡོ་བྱད་རྣམས་བསྡུས་ནས་ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་བསླབ་པའི་གཞི་ལྔ་བླངས་ཤིང་ཚུལ་ཁྲིམས་དང་། ཆོ་ག་དང་། ཡོན་ཏན་དང་ལྡན་པ་དང་། དམ་པའི་ཆོས་ཀྱི
9b7 ག་ཅེས་པ་འཛིན་པའི་དགེ་བསྙེན་མ་ཚོང་དཔོན་གྱི་བུ་མོ་འཚོ་བའི་དཔལ་ལ་སོགས་པ་དགེ་བསྙེན་མ་གངྒཱའི་ཀླུང་གསུམ་གྱི་བྱེ་མ་སྙེད་ཐམས་ཅད་ཀྱང་བུད་མེད་ཀྱི་གཟུགས་ཀྱིས་སེམས་ཅན་བྱ་བ་ཕྲག
iiif viewer powered by OpenSeadragon
