| e-texts navigator |
| Wylie |
97b1 ཡོང་མི་སྲིད་དོ། །དེ་བཞིན་དུ་ཐར་པ་ལའང་ཐར་པའི་ཆོས་གཞན་ཟླར་གྱུར་པ་མེད་དེ། ཡོང་མི་སྲིད་དོ། །ཐར་པ་གང་ཡིན་པ་དེ་ནི། དེ་བཞིན་གཤེགས་པའོ། །དེ་བཞིན་གཤེགས་པ་ཆོས་ཀྱི་འཁོར
97b2 ལོ་བསྐོར་བ་ལ་ནི། དགྲ་གཞན་མེད་དེ། དེ་བས་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི། གཉེན་པོ་མེད་པའོ། །ཐར་པ་གང་ཡིན་པ་དེ་ནི། དེ་བཞིན
97b3 གཤེགས་པའོ། །མྱ་ངན་མེད་པ་མྱ་ངན་མེད་པ་ཞེས་བྱ་བ་ནི། གང་ལ་མྱ་ངན་མེད་པ་སྟེ། ཇི་ལྟར་རྒྱལ་པོ་དཀྲུགས་མ་བྱེད་པའི་རྒྱལ་པོ་གཞན་གྱིས་རྒྱལ་སྲིད་འཕྲོག་སྟེ་ཡུལ་འཁོར་བཅོམ་ཞིང
97b4 བཤིག་པ་ན་ཤིན་ཏུ་མྱ་ངན་གྱིས་ཐེབས་པ་བཞིན་དུ་མྱ་ངན་ལས་འདས་པ་ནི། དེ་ལྟ་མ་ཡིན་ཏེ། ཇི་ལྟར་རྒྱལ་པོ་གཞན་གྱིས་མ་ཚུགས་ཏེ་དགྲ་དང་བྲལ་བར་གྱུར་ནས་མྱ་ངན་མེད་པ་བཞིན
97b5 དུ་ཐར་པ་ཐོབ་པ་རྣམས་ཀྱང་མྱ་ངན་མེད་པའོ། །ཐར་པ་གང་ཡིན་པ་དེ་ནི། མྱ་ངན་ལས་འདས་པའོ། །མྱ་ངན་ལས་འདས་པ་གང་ཡིན་པ་དེ་ནི། དེ་བཞིན་གཤེགས་པའོ། །མྱ་ངན་དང་བྲལ་བ་མྱ
97b6 ངན་དང་བྲལ་བ་ཞེས་བྱ་བ་ནི། ཇི་ལྟར་བུད་མེད་རང་གི་བུ་དམག་ཏུ་སོང་ནས་ཤིའོ། །ཞེས་ཐོས་པ་ལས་ཕྱིར་འོངས་པ་མཐོང་ནས་མྱ་ངན་དང་བྲལ་བར་འགྱུར་བ་བཞིན་དུ་མྱ་ངན་ལས་འདས་པ་ནི། དེ
97b7 ལྟ་མ་ཡིན་ཏེ། ཐར་པ་ནི། རྟག་ཏུ་མྱ་ངན་དང་བྲལ་བའོ། །ཐར་པ་གང་ཡིན་པ་དེ་ནི། དེ་བཞིན་གཤེགས་པའོ། །རྡུལ་མེད་པ་རྡུལ་མེད་པ་ཞེས་བྱ་བ་ལ། རྡུལ་ཞེས་བྱ་བ་ནི། ས་རྡུལ་དང་། ཉལ་ཉིལ
iiif viewer powered by OpenSeadragon
