| e-texts navigator |
| Wylie |
97a1 བྱེད་པ་མ་མཐོང་ན། གནོད་པར་འགྱུར་བ་དེ་བཞིན་དུ་ཐར་པ་ནི། དེ་ལྟ་མ་ཡིན་ཏེ། གནོད་པ་མེད་པ་གང་ཡིན་པ་དེ་ནི། ཐར་པའོ། །ཐར་པ་གང་ཡིན་པ་དེ་ནི། དེ་བཞིན
97a2 གཤེགས་པའོ། །ཞི་བ་ཞི་བ་ཞེས་བྱ་བ་ནི། འཇིག་རྟེན་པ་རྣམས་ཀྱི་ནི། ལྷའི་གཟུགས་ལ་ཞི་བ་ཞི་བ་ཞེས་བྱ་བས་ན། དེ་ནི། རྫུན་ཏེ། ཐར་པ་མ་ཡིན་ནོ། །རང་བཞིན་གྱིས་ཞི་བ་གང་ཡིན་པ
97a3 དེ་ནི། ཐར་པ་སྟེ། གང་གི་ཕྱིར་སེམས་ཅན་ཐམས་ཅད་ཀྱི་ཞི་བའི་མཆོག་ཡིན་པས་ན། དེའི་ཕྱིར་ཞི་བ་ཞེས་བྱའོ། །ཞི་བ་གང་ཡིན་པ་དེ་ནི། ཐར་པའོ། །ཐར་པའོ། །ཐར་པ་གང་ཡིན་པ་དེ་ནི། དེ་བཞིན
97a4 གཤེགས་པའོ། །བདེ་བ་བདེ་བཞེས་བྱ་བ་ནི། ཇི་ལྟར་ཆོམ་རྐུན་གྱིས་འཇིགས་ནས་ལམ་བདེ་བར་འགྲོ་བ་བཞིན་དུ་ཐར་པ་ནི། དེ་ལྟ་མ་ཡིན་ཏེ། རང་བཞིན་གྱིས་བདེ་བ་དེ་ལ་ནི། འཇིགས
97a5 པའི་མིང་ཡང་མེད་དེ། དེ་བས་ན། བཅོས་མ་མ་ཡིན་པའི་བདེ་བ་ནི། ཐར་པའོ། །ཐར་པ་གང་ཡིན་པ་དེ་ནི། དེ་བཞིན་གཤེགས་པའོ། །སེམས་ཅན་ཐམས་ཅད་ལ་བདེ་བ་བྱེད་པ་ནི། དེ
97a6 བཞིན་གཤེགས་པའོ། །གཉེན་པོ་མེད་པ་གཉེན་པོ་མེད་པ་ཞེས་བྱ་བ་ལ། གཉེན་པོ་མེད་པ་ཞེས་བྱ་བ་ནི། ཇི་ལྟར་རྒྱལ་པོ་ཤིར་དོགས་ཤིང་འཇིགས་པ་བཞིན་དུ་ཐར་པ་ནི། དེ་ལྟ་མ་ཡིན
97a7 ཏེ|་ཐར་པ་ནི། ཡེ་རང་བཞིན་གྱིས་གཉེན་པོ་མེད་པའོ། །གཉེན་པོ་མེད་པ་ཞེས་བྱ་བ་ནི། འཁོར་ལོས་བསྒྱུར་བའི་རྒྱལ་པོ་ལྟ་བུ་སྟེ། དེ་ལ་གཞན་སླར་འཇིགས་པར་བྱེད་ནུས་པ་སུའང་མེད་དེ།
iiif viewer powered by OpenSeadragon
