| e-texts navigator |
| Wylie |
96b1 པ་གང་ཡིན་པ་དེ་ནི། དེ་བཞིན་གཤེགས་པ་སྟེ། དེ་བཞིན་གཤེགས་པ་ལའང་ནད་ཀྱི་བག་ཡོད་མེད་ན། ཆོས་ཀྱི་སྐུ་ལ་ནད་ག་ལ་ཡོད། དེ་བས་ན། དེ་བཞིན་གཤེགས་པ་ནི། ནད་མེད་པའོ། །འཆི་བ
96b2 མེད་པ་འཆི་བ་མེད་པ་ཞེས་བྱ་བ་ནི། གང་ལ་མིའི་ལུས་བཞིན་དུ་འཆི་བ་མེད་པའོ། །དེ་ནི། ཐར་པ་ཡིན་ཏེ། དེ་ལ་ནི། དུས་འདི་ཙམ་གྱིས་ན་ཟད་པའི་མཐར་འགྱུར་བའམ། འཆི་བའི་མཐར་འགྱུར་རོ། །
96b3 ཞེས་བྱ་བའི་མིང་ཡང་མེད་དེ། འཆི་བ་དང་བྲལ་བ་ནི་།ཐར་པའོ། །ཐར་པ་གང་ཡིན་པ་དེ་ནི། དེ་བཞིན་གཤེགས་པའོ། །དེ་ལྟ་བུའི་ཡོན་ཏན་དང་ལྡན་པ་འཆི་བར་འགྱུར་བ་ཞེས་བྱ་བ་དེ་ནི། མི་སྲིད
96b4 དེ|་སྐུ་རྡོ་རྗེ་ལྟར་མཁྲེགས་པ་མི་རྟག་པར་ག་ལ་ཞིག་འགྱུར་ཏེ། དེ་བས་ན། འཆི་བ་མེད་པ་ནི། དེ་བཞིན་གཤེགས་པའོ། །ཉོན་མོངས་པ་ཅན་ཉོན་མོངས་པ་ཅན་ཞེས་བྱ་བ་ལ། ཐར་པ་ནི། ནུར་ནུར
96b5 པོ་མི་གཙང་བས་མ་རུང་བར་གྱུར་པ་མ་ཡིན་ཏེ། ཐར་པ་ནི། ཇི་ལྟར་མེ་ཏོག་ཀུ་མུ་ད་དཀར་པོ་བཞིན་དུ་གསལ་བའོ། །ཐར་པ་གང་ཡིན་པ་དེ་ནི། དེ་བཞིན་གཤེགས་པའོ། །འདོད་པའི་ཉེས་པ་སྣ
96b6 ཚོགས་བསྟན་པ་ནི། ཐབས་ཡིན་པར་བལྟ་བར་བྱའོ། །དེ་བས་ན། དེ་བཞིན་གཤེགས་པ་ནི། ཉོན་མོངས་པ་ཅན་མ་ཡིན་པའོ། །ཟག་པ་མེད་པ་ཟག་པ་མེད་པ་ཞེས་བྱ་བ་ནི། རྨ་མེད་པའི་དོན་ཏེ།
96b7 དེ་ནི། ཐར་པ་ཡིན་ནོ། །ཐར་པ་གང་ཡིན་པ་དེ་ནི། དེ་བཞིན་གཤེགས་པ་སྟེ། དེ་བས་ན། ཟག་པ་མེད་པ་ཞེས་བྱའོ། །གནོད་པ་མེད་པ་གནོད་པ་མེད་པ་ཞེས་བྱ་བ་ནི། ཇི་ལྟར་བཀྲེས་པས་གཡོས
iiif viewer powered by OpenSeadragon
