| e-texts navigator |
| Wylie |
96a1 དེ་ནི|་དེ་བཞིན་གཤེགས་པའོ། །འདུས་མ་བྱས་ཞེས་བྱ་བ་ནི། ཇི་ལྟར་རྫ་མཁན་གྱིས་སྣོད་བྱས་ནས་དེའི་འོག་ཏུ་ཞིག་པར་འགྱུར་བ་བཞིན་དུ་ཐར་པ་ནི། དེ་ལྟ་མ
96a2 ཡིན་ནོ|་|ཐར་པ་ནི། སྐྱེ་བའང་མེད། འགག་པའང་མེད་དོ། །ཐར་པ་གང་ཡིན་པ་དེ་ནི། དེ་བཞིན་གཤེགས་པ་སྟེ། སྐྱེ་བའང་མེད། འཆི་བའང་མེད་དོ། །གང་མ་སྐྱེས་པ་དང་། མ་ཞི་བ
96a3 དང་། རྒ་བ་མེད་པ་དང་། འཆི་བ་མེད་པ་དང་། འདུས་མ་བྱས་པ་དེ་ནི། དེ་བཞིན་གཤེགས་པ་སྟེ། དེ་བས་ན། དེ་བཞིན་གཤེགས་པ་ནི། ཡོངས་སུ་མྱ་ངན་ལས་འདས་པ་ཆེན་པོར་འགྲོ
96a4 བའོ|་|རྒ་བ་མེད་པ་དང་། འཆི་བ་མེད་པ་ཞེས་བྱ་བ་ནི། མགོ་དཀར་བ་དང་། རྒ་བ་དང་། ན་བ་དང་། འཆི་བའི་ཆོས་དང་། འདུས་བྱས་ཀྱི་རང་བཞིན་གྱི་རྟོག་པ་དེ་ལྟ་བུ་ནི། ཐར་པ་མ་ཡིན་གྱི།
96a5 གང་ལ་གོང་དུ་སྨོས་པ་རྣམས་མེད་པ་ནི། ཐར་པ་ཡིན་ཏེ། དེ་བས་ན། རྒ་བ་མེད་པ་ཞེས་བྱའོ། །ཐར་པ་གང་ཡིན་པ་དེ་ནི། དེ་བཞིན་གཤེགས་པ་སྟེ། དེ་བཞིན་གཤེགས་པ་ལ་ནི། མགོ
96a6 དཀར་བ་དང་། རྒ་བ་དང་། འདུས་བྱས་རྣམ་པར་འགྱུར་བ་མེད་དོ། །དེ་བས་ན། དེ་བཞིན་གཤེགས་པ་ནི། རྒ་བ་མེད་པའི་སྐུ་ཡིན་ན། འཆི་བར་ལྟ་ག་ལ་འགྱུར། ནད་མེད་པ་ནད་མེད་པ་ཞེས
96a7 བྱ་བ་ནི|་གློ་བུར་གྱི་ནད་བཞི་བརྒྱ་རྩ་བཞིས་གནོད་པར་གྱུར་པ་དང་། ཉེས་དམིགས་དུ་མ་དང་ལྡན་པའི་ལུས་གང་ལ་མེད་པ་དེ་ལྟ་བུའི་རང་བཞིན་ཏེ། དེ་བས་ན། ཐར་པ་ནི། ནད་མེད་པའོ། །ཐར
iiif viewer powered by OpenSeadragon
