| e-texts navigator |
| Wylie |
95b1 བཀའ་སྩལ་པ། ཐར་པ་ཞེས་བྱ་བ་གང་ཡིན་པ་དེ་ནི། མ་སྐྱེས་པའི་ཕྱིར་དེ་ནི། འཆིང་བ་ཐམས་ཅད་དང་ཤིན་ཏུ་བྲལ་བ་སྟེ། ཇི་ལྟར་ཕ་མ་ཕྲད་པའི་ཡོན་ཏན་ལས་བུ་སྐྱེ་བ་དེ་བཞིན་དུ་སྐྱེས་པ
95b2 མ་ཡིན་ཏེ། ཐར་པ་ནི། རང་གི་ཡུལ་དུ་གནས་པའོ། །མ་སྐྱེས་པ་ཞེས་བྱ་བ་ནི། འདི་ལྟར་མར་གྱི་ཉིང་ཁུ་རང་བཞིན་གྱིས་རང་གི་ངོ་བོ་ཉིད་དུ་འདུག་པ་དེ་བཞིན་དུ་དེ་བཞིན་གཤེགས་པ་ནི། ཡབ་ཡུམ
95b3 འཁྲིག་པ་ལས་བྱུང་བའང་མ་ཡིན་ལ། དེ་བཞིན་གཤེགས་པས་ནི། གདུལ་བར་བྱ་བའི་དབང་གིས་ཡབ་ཡུམ་གཉིས་ཀྱང་བསྟན་ཏོ། །ཐར་པ་གང་ཡིན་པ་དེ་ནི། དེ་བཞིན་གཤེགས་པ་སྟེ།
95b4 མ་བྱུང་བ་བྱུང་བའི་ཕྱིར་རོ། །དཔེར་ན། སྲན་སྡེའུ་འམ། སྲན་གྲེའུ་དཔྱིད་ཟླ་ར་བའི་ངོའམ། དབྱར་གྱིས་དུས་སམ། སྟོན་ཟླ་ཐ་ཆུང་གི་ངོ་ལས་བོན་བཏབ་ན། དེ་དག་ལས་མྱུ་གུ་འབྱུང་བར་འགྱུར་བ་དེ
95b5 བཞིན་དུ་ཐར་པ་ནི། དེ་ལྟ་མ་ཡིན་ནོ། །མ་བྱུང་བ་གང་ཡིན་པ་དེ་ནི། ཐར་པའོ། །ཐར་པ་གང་ཡིན་པ་དེ་ནི། དེ་བཞིན་གཤེགས་པ་སྟེ། མ་བྱུང་བའོ། །དེ་བཞིན་གཤེགས་པ་ནི། མ་བྱུང་བ་ཁོ་ན་སྟེ། དེ
95b6 བཞིན་གཤེགས་པ་ནི། མྱུ་གུ་ཡོད་པ་དང་། མེད་པར་འགྱུར་བ་བཞིན་དུ་ཡོངས་སུ་བརྟག་པར་མི་བྱའོ། །དེ་བཞིན་གཤེགས་པ་ནི། རང་བཞིན་གྱིས་མ་བྱུང་བ་སྟེ། དེ་བས་ན། མ་བྱུང་བའོ། །མ་བྱུང་བ
95b7 ཞེས་བྱ་བ་ནི། མ་བྱས་པའོ། །མ་བྱས་པ་ཞེས་བྱ་བ་ནི། ཇི་ལྟར་གྲོང་ཁྱེར་དང་། གྲའི་ཡང་ཏོག་དང་། སྒོ་ཁང་བྱང་བ་དེ་བཞིན་དུ་ཐར་པ་ནི། དེ་ལྟ་མ་ཡིན་ཏེ། མ་བྱས་པ་གང་ཡིན་པ་དེ་ནི། ཐང་པའོ། །
iiif viewer powered by OpenSeadragon
