| e-texts navigator |
| Wylie |
95a1 གཟུགས་ཅན་མ་ཡིན་པ་ནི། ཉན་ཐོས་དང་། རང་སངས་རྒྱས་རྣམས་ཀྱིའོ། །སངས་རྒྱས་བཅོམ་ལྡན་འདས་རྣམས་ཀྱི་ནི། གཟུགས་ཅན་ཡིན་ནོ། །ཐར་པ་དེ་ནི།
95a2 གཟུགས་དང་གཟུགས་མེད་པ་ཡིན་ལ་གཟུགས་ཡིན་ནོ། །ཞེས་བྱར་ཡང་མི་རུང་ངོ་། །གསོལ་བ། ཅིའི་སླད་དུ་ལགས། བཀའ་སྩལ་པ། འོད་སྲུང་ཆེན་པོ་དང་རུས་གཅིག་པ། དཔེར་ན།
95a3 འདུས་ཤེས་མེད་འདུས་ཤེས་མེད་མིན་གྱི་ལྷ་རྣམས་ཀྱི་ལུས་ནི། གཟུགས་དང་གཟུགས་མེད་པ་ཡིན་ལ་གཟུགས་ཡིན་ནོ། །ཞེས་བྱར་ཡང་མི་རུང་བ་བཞིན་ནོ། །གསོལ་པ། འདུ་ཤེས
95a4 མེད་འདུ་ཤེས་མེད་མིན་གྱི་ལྷ་རྣམས་གཟུགས་དང་གཟུགས་མ་མཆིས་པ་ལགས་ལ་གཟུགས་ཀྱང་མ་ལགས་ན། དེ་དག་ཇི་ལྟར་མཆིས་པ་དང་། ཇི་ལྟར་རྒྱུ་བ་བསྟན་དུ་གསོལ། བཀའ་སྩལ
95a5 པ|་འདི་ནི། སངས་རྒྱས་ཀྱི་ཡུལ་ཡིན་ཏེ། ཉན་ཐོས་དང་། རང་སངས་རྒྱས་ཀྱི་ཡུལ་མ་ཡིན་གྱི། ཞོག་ཅིག་།དེ་བཞིན་དུ་ཐར་པའང་གཟུགས་དང་གཟུགས་མེད་པ་ཡིན་ལ་གཟུགས་ཀྱང་མ
95a6 ཡིན་པས་ན། སངས་རྒྱས་ཀྱི་ཡུལ་ཡིན་གྱི། ཉན་ཐོས་དང་། རང་སངས་རྒྱས་ཀྱི་ཡུལ་མ་ཡིན་ནོ། །གསོལ་པ། བཅོམ་ལྡན་འདས། དེ་བཞིན་གཤེགས་པས་ཡོངས་སུ་མྱ་ངན་ལས
95a7 འདས་པ་ཆེན་པོའི་ཚུལ་གྱིས་ཐར་པ་བསྟན་དུ་གསོལ། བཀའ་སྩལ་པ། རིགས་ཀྱི་བུ། ལེགས་སོ། །ལེགས་སོ། །ཐར་པ་ཞེས་བྱ་བ་ནི། འཆིང་བ་ཐམས་ཅད་དང་བྲལ་བའོ། །ཡང
iiif viewer powered by OpenSeadragon
