| e-texts navigator |
| Wylie |
94b1 འདས་ཡང་དག་པར་སྣང་བར་འགྱུར་རོ། །དེ་བས་ན། མྱ་ངན་ལས་འདས་པ་ཆེན་པོ་ནི། ཡང་དག་པའི་དོན་ལ་སྟོན་པ་ཡིན་ནོ། །ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱ་བ་ནི། སྲིད་པ་ཐམས
94b2 ཅད་ན་ཐར་པའི་གྲོང་ཁྱེར་གྱི་ཚིག་བླ་དྭགས་ཡིན་ཏེ། གང་ན་འདུལ་བར་བྱ་བ་རྣམས་ཡོད་པ་དེར་རྫོགས་པར་སངས་རྒྱས་པར་སྣང་བ་འདི་ནི། ཚིག་གྲགས་པའོ། །གསལ་བའོ། །ཡང་དག་པའི
94b3 དོན་ནི། ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱའོ། །གསོལ་པ། བཅོམ་ལྡན་འདས། ཅི་ལགས། སྨན་པས་རྨས་པ་ཐམས་ཅད་སོས་པར་བགྱིས་ནས་ཡུལ་དང་། གྲོང་ཁྱེར་དང་།
94b4 ཡུལ་འཁོར་དང་། རྒྱལ་པོའི་ཕོ་བྲང་འཁོར་གཞན་གང་ན་རྨས་པ་རྣམས་མཆིས་པ་དེར་སྣང་བར་འགྱུར་རོ། །ཞེས་བགྱི་ལགས་སམ། བཀའ་སྩལ་པ། རིགས་ཀྱི་བུ། སྲོག་ཆགས་རྨས་པ
94b5 ཐམས་ཅད་ཀྱི་ནད་གསོ་བར་བྱེད་ཅེས་དེ་སྐད་མ་ཟེར་ཅིག་། གསོར་མི་རུང་བའི་སེམས་ཅན་གཞན་རྣམས་ནི། གསོ་བར་མི་བྱེད་དོ། །དེ་ཅིའི་ཕྱིར་ཞེ་ན། དེ་དག་གི་ནད་ནི། གསོར་མི་རུང་བ་ཡིན
94b6 ཏེ|་དེ་དག་དེ་བཞིན་དུ་དེ་བཞིན་གཤེགས་པ་ནི། གསོར་མི་རུང་བའི་ནང་འདོད་ཆེན་པོ་མ་གཏོགས་པ་ནད་ཐམས་ཅད་གསོ་བར་མཛད་དེ། གང་མྱ་ངན་ལས་འདས་པ་དེ་དག་གསོལ་བ་ཡིན་ནོ། །
94b7 གསོལ་པ། ཐར་པ་ཇི་ལྟ་བུ་ལགས། གཟུགས་ཅན་ལགས་སམ། གཟུགས་མ་མཆིས་པ་ལགས། བཀའ་སྩལ་པ། ཁ་ཅིག་ནི། གཟུགས་ཅན་ནོ། །ཁ་ཅིག་ནི། གཟུགས་ཅན་མ་ཡིན་པ་སྟེ།
iiif viewer powered by OpenSeadragon
