| e-texts navigator |
| Wylie |
94a1 པར་རྟོག་པ་བརྒྱད་ཡོད་པ་དེ་ནི། སྐྱེས་བུ་ཆེན་པོ་ཐམས་ཅད་ཀྱི་ནང་ན་འང་སྐྱེས་བུ་ཆེན་པོའོ། །ཞེས་ངས་བཤད་པས་ན། དེའི་ཕྱིར་ཆེ་བ་ཞེས་བྱའོ། །ལྷག་མ་དང
94a2 བཅས་པའི་མྱ་ངན་ལས་འདས་པ་ཞེས་བྱ་བ་ལ། གང་ལ་རྨ་མེད་པ་དེ་ནི། མྱ་ངན་ལས་འདས་པ་ཞེས་བྱའོ། །དེ་ཅིའི་ཕྱིར་ཞེ་ན། རིགས་ཀྱི་བུ། དཔེར་ན། འདི་ན་མི་ལ་ལ་ཞིག་གདུག་པའི་ཟུག་རྡུས
94a3 པ་ཧོག་སྟེ|་བབ་རྡོའི་གནོད་པས་ཐེབས་ནས་བབ་རྡོའི་གནོད་པས་ཐེབས་པའི་མི་དེ་ཟུག་རྡུ་འབྱིན་པའི་སྨན་པ་ཆེན་པོ་ཞིག་གིས་གསོས་ཏེ་གདུག་པའི་ཟུག་རྔུ་བསལ་ནས་བདེ་བར་བྱས་ཏེ་དེ་གནོད་པ
94a4 མེད་པར་སྔ་མཁོ་བཞིན་དུ་བྱས་ནས་སྨན་པ་དེས་མི་དེ་བོར་ཏེ་ཡུལ་གཞན་ནམ། གྲོང་གཞན་ནམ། ཁྱིམ་གཞན་གང་ན་རྨས་པ་ཡོད་པ་དང་། གང་ན་རྨའི་ལས་བྱར་ཡོད་པ་དེ་ན་གནས་པ་དེ
94a5 བ་ཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྨན་པ་ཆེན་པོ་ཟུག་རྔུ་འབྱིན་པས་ཀྱང་ཛམ་བུའི་གླིང་པའི་སེམས་ཅན་བསྐལ་པ་བྱེ་བ་ཕྲག་གྲངས་མེད་པ
94a6 ཚུན་ཆད་ནས་འདོད་ཆགས་དང་། ཞེ་སྡང་དང་། གཏི་མུག་ལ་སོགས་པ་ཉོན་མོངས་པའི་དུག་གིས་ཕོག་པའི་སེམས་ཅན་ཤིན་ཏུ་རྨས་པ་ཐམས་ཅད་ཀྱི་ཟུག་རྡུ་རྣམས་ཐེག་པ་ཆེན་པོའི
94a7 མདོའི་སྡེ་ཚན་སྣ་ཚོགས་ཀྱི་དགེ་བའི་རྩ་བའི་སྨན་རྣམས་ཀྱིས་གསོ་བར་མཛད་དོ། །གསོས་ནས་ཀྱང་དེ་རྣམས་མྱ་ངན་ལས་བཟླས་ཏེ་གང་ན་སེམས་ཅན་རྨས་པ་རྣམས་ཡོད་པ་དེར་བཅོམ་ལྡན
iiif viewer powered by OpenSeadragon
