| e-texts navigator |
| Wylie |
92a1 ཀྱི་བུ|་ཁྱོད་ལེགས་སོ། །སྡང་བ་དང་། གཡོ་དང་། སེར་སྣ་དང་ལྡན་པ་གང་ཡིན་པ་དེ་ནི། གསང་བ་ཡིན་ཏེ། དེའི་སྟོབས་དང་། བྱམས་པས་ཀྱང་ཁྱིམ་བདག་བྲན་བཟའ་ཅན
92a2 དེ་སྟོན་པར་མི་བྱེད་པ་དེ་བཞིན་དུ་ཁྱིམ་བདག་བྲན་བཟའ་ཅན་ལྟར་ང་སེམས་ཅན་ཐམས་ཅད་ལ་བུ་གཅིག་པའི་འདུ་ཤེས་བསྒོམས་པ་དང་ལྡན་མོད་ཀྱི། བྱིས་པ་དེ་དག་གིས་མི་བཟོད་པའི་ཕྱིར
92a3 ང་དགོངས་པའི་ཚིག་མི་སྟོན་ཏེ། ངས་ཡི་གེ་ཕྱེད་པ་དང་འདྲ་བར་ནི། གསུང་རབ་ཡན་ལག་དགུ་སྟོན་ཏོ། །བརྡ་སྤྲོད་དང་འདྲ་བར་ནི། སྟོབས་བཅུ་དང་། འཕགས་པའི་བདེན་པ་བཞི་དང་། འཕགས
92a4 པའི་ལམ་ཡན་ལག་བརྒྱད་པ་དང་། ཐེག་པ་ཆེན་པོ་ཤིན་ཏུ་རྒྱས་པའི་བརྡ་སྤྲོད་པ་བསྟན་ཏོ། །རིགས་ཀྱི་བུ། གཞན་ཡང་གང་གི་ཚེ་ཡི་གེ་ཕྱེད་པ་བསླབ་ནས་སྒྲ་རིག་པའི་འོས་སུ་གྱུར་པ
92a5 དེའི་ཚེ་ཁྱིམ་བདག་བྲན་བཟའ་ཅན་གྱིས་གལ་ཏེ་བརྡ་སྤྲོད་པའི་དོན་སློབ་པར་མི་བྱེད་ན་ནི། དེ་ལྟ་ན་སེར་སྣ་བྱེད་པའི་ཕྱིར་གསང་བ་ཞེས་བྱའོ། །གལ་ཏེ་བརྡ་སྤྲོད་པའི་དོན་བསྟན་ནས་ནི། བྱིས
92a6 པས་བརྡ་སྤྲོད་པ་རྫོགས་པར་ལོབས་པར་འགྱུར་བ་དེ་བཞིན་དུ་ངའང་ཉན་ཐོས་རྣམས་ལ་ཇི་སྲིད་དུ་ཐེག་པ་ཆེན་པོའི་སྣོད་དུ་གྱུར་པ་དེ་སྲིད་དུ་གསུང་རབ་ཡན་ལག་དགུ་སྟོན་ཏེ། གལ་ཏེ
92a7 ངས་སེམས་ཅན་སྣོད་དུ་གྱུར་པ་རྣམས་ལ་ཐེག་པ་ཆེན་པོ་བསླབ་པ་གསང་བར་བྱས་ན་ནི། དེ་ལྟར་ན་ང་ལ་བརྡ་སྤྲོད་པ་དང་འདྲ་བར་གསང་བར་བྱས་སོ། །ཞེས་སྨྲ་བའི་རིགས་སོ། །དེ་ནི། ངས
iiif viewer powered by OpenSeadragon
