| e-texts navigator |
| Wylie |
91b1 གསུང་ནི། སྟོན་གྱི་ཟླ་བ་རྒྱས་པ་བཞིན་དུ་སྐྱོན་མེད་པ་དང་། མཚན་མས་མ་བཏབ་པ་དང་། རྨོངས་པ་མེད་པ་དང་། གསང་བ་དང་གསང་ཆེན་དང་བྲལ་བ་དང་། གསལ་བ་ཡིན་ནོ། །འཕགས་པ
91b2 ཡོངས་སུ་མྱ་ངན་ལས་འདས་པ་ཐེག་པ་ཆེན་པོའི་མདོ། བམ་པོ་དྲུག་པ། རིགས་ཀྱི་བུ། དཔེར་ན། ཁྱིམ་བདག་བྲན་བཟའ་ཅན་ནོར་བྱེ་བ་བདོག་པ་ཞིག་ལ་བུ་གཅིག་པ་སྡུག་ཅིང་ཕངས་ལ་གཅེས
91b3 ཤིང་ཡིད་དུ་འོང་བ་ཞིག་ཡོད་དེ། དེས་བུ་དེ་བུའི་སློབ་དཔོན་ལས་ཕྱིར་བཀུག་ནས་བུ་ལ་བྱམས་པའི་ཕྱིར་བདག་ཉིད་ཀྱིས་བསྒྲིམས་ཏེ་ཡི་གེ་ཕྱེད་པ་སློབ་པར་བྱེད་ན། དེས་བསྒྲིམས་ཏེ་ཡི
91b4 གེ་ཕྱེད་པ་བསླབ་ཏུ་ཟིན་ཀྱང་ཅི་བརྡ་སྤྲོད་པའི་དོན་གྱིས་བྱེ་བྲག་སྟོན་པར་ནུས་སམ། བསྟན་པར་ནུས་སུ་ཟིན་ཀྱང་ཅི་དེས་ཡི་གེ་ཕྱེད་པ་བསླབ་པས་བརྡ་སྤྲོད་པའི་དོན་ཤེས་པར་འགྱུར་རམ། ཅི
91b5 ཁྱིམ་བདག་བྲན་བཟའ་ཅན་རང་གི་བུ་ལ་གསང་བར་བྱེད་དམ། གསོལ་པ། བཅོམ་ལྡན་འདས། དེ་ནི། མ་ལགས་ཏེ། བུའི་ཤེས་པའི་རྩལ་དང་། ཡིད་རྣོ་རྟུལ་དེ་འདྲ་བ་དང་། ཤེས་པའི
91b6 རྩལ་དང་མི་ལྡན་པའི་རྒྱུས་ན། དེ་ལ་གསང་བ་དང་འདྲ་བར་གདའ་བར་གྱུར་ལགས་སོ། །དེ་ལ་ཡིད་མི་བདེ་བ་དང་། གཡོ་དང་། སེར་སྣ་གང་ལགས་པ་དེ་ནི། གསང་བ་ལགས་པར་རིག་པར
91b7 བགྱིའོ|་|དང་བ་དང་དགའ་བས་བུ་གཅིག་པའི་འདུ་ཤེས་དང་ལྡན་པ་གང་ལགས་པ་དེ་ནི། གསང་བ་ཞེས་མི་བགྱི་ལགས་སོ། །བཀའ་སྩལ་པ། རིགས་ཀྱི་བུ། ལེགས་སོ། །ལེགས་སོ། །རིགས
iiif viewer powered by OpenSeadragon
