| e-texts navigator |
| Wylie |
8b1 གྱིས་སྤྲས་ཤིང་སྣང་བར་བྱས་པ། རི་རབ་ལྟར་ཆེ་ཞིང་འཕང་མཐོ་བ་དག་ཀྱང་བཤམས་སོ། །གཡོགས་མའང་དེ་དག་གི་རྐྱེན་དུ་འཚམ་པ་ཤ་སྟག་གིས་གཡོགས་ཏེ། གསེར་གྱི་དྲིལ་བུ་གཡེར་ཀ
8b2 སྒྲ་སིལ་ལི་ལི་དང་། ཁྲོལ་ཤིང་གི་སྒྲ་འབྱུང་བའི་དྲ་བ་ཅན་གྱི་ཡོལ་བ་རྣམས་ཀྱིས་ནི། བསྐོར། རྒྱ་དར་སྤུ་སྡུག་ཡུག་ཁྱིམ་ཆེན་པོའི་བླ་རེ་རྣམས་ནི། བྲེས། གདུགས་དཀར་པོ་རྣམས་ཀྱིས་ནི།
8b3 ཉི་མཚན་བསྒྲིབས། རྔ་ཡབ་དཀར་པོ་རྣམས་ཀྱིས་ནི། གཡབས། རྒྱབ་རྟེན་གླང་པོ་ཆེའི་མཆེ་བ་ལ་ཆུ་སྲིན་མ་ཀ་ར་བརྟེན་པའི་ཁ་ནས་ཟླ་བ་ཉ་བའི་འོད་ཟེར་ལྟར་དཀར་བའི་མུ་ཏིག་གི་ཆུན་པོ
8b4 འབྱུང་ཞིང་དབྱངས་པ་དང་ལྡན་པ་རྣམས་ནི། བཅས། ས་ཕྱོགས་རྣམས་ནི། མེ་ཏོག་དྲི་ཞིམ་པོའི་སིལ་མས་གཏོར་ཏོ། །དགེ་བསྙེན་དེ་དག་རེ་རེ་ནས་ཀྱང་འདི་སྙམ་དུ་སེམས་ཏེ། བདག་གིས
8b5 སེམས་ཅན་ཐམས་ཅད་ལ་ཟས་འདོད་པ་རྣམས་ལ་ནི། ཟས་སྦྱིན་ནོ། །སྐོམ་འདོད་པ་རྣམས་ལ་ནི། སྐོམ་སྦྱིན་ནོ། །མགོ་བོ་དང་མིག་ལ་སོགས་པ་ཡན་ལག་དང་ཉིད་ལག་ཐམས་ཅད
8b6 འདོད་པ་རྣམས་ལའང་ཇི་ལྟར་འདོད་པ་བཞིན་དུ་སྦྱིན་ནོ། །དབུལ་པོ་དང་། བཀྲེན་པ་དང་། ཕོངས་པ་རྣམས་ལའང་འདོད་པ་དང་། དུག་དང་། གནོད་པ་དང་། མ་བརྟགས་པའི་སྦྱིན་པ་རྣམས
8b7 མ་གཏོགས་པར་གང་དང་གང་དག་ཅི་དང་ཅི་འདོད་པ་དེ་དག་ཆོག་པར་སྦྱར་རོ། །སྙམ་དུ་སེམས་ཀྱི། གཞན་ནི། ཅིའང་མི་སེམས་སོ། །དེ་བཞིན་དུ་དགེ་བའི་བཤེས་གཉེན་གྱི་སྡེ་ཚན། བྱང
iiif viewer powered by OpenSeadragon
