| e-texts navigator |
| Wylie |
8a1 གདུང་སྐད་དུ་དབྱངས་ལེན་ཏོ། །གར་ཐབས་ཀྱི་སིལ་སྙན་རེ་རེའི་མདུན་དུའང་མེ་ཏོག་དྲི་ཞིམ་པོ་སྣ་ཚོགས་རྣམ་པར་འཚེར་བ་རྣམས་ཀྱི་ཕྱེ་མས་རིན་པོ་ཆེའི
8a2 སྐོན་བུ་ལེགས་པར་བཅོས་པ་གཞོན་ཤ་ཅན་དག་གིས་བཀང་བ་ཤ་སྟག་དང་། དེ་མ་ཡིན་པའི་སྐོན་བུ་མང་པོ་བལྟ་ན་སྡུག་པ། གུར་གུམ་གྱི་ཕྱེ་མས་བཀང་བ་ཤ་སྟག་ཐོགས་སོ། །དེ
8a3 དག་གི་མདུན་དུའང་བཅོམ་ལྡན་འདས་དགེ་སློང་གི་དགེ་འདུན་གྱིས་འཁོར་དང་བཅས་པ་ཁྱབ་པར་འགྱུར་བའི་ཞལ་ཟས་དག་ཁྱེར་ཞིང་འདོང་ངོ་། །ཞལ་ཟས་དེ་དག་ཀྱང་བུད་ཤིང་ཙནྡན
8a4 དམར་པོ་དང་། ཨ་ག་རུ་དང་། ཐང་ཤིང་གི་མེ་ཆུང་དུས་བཙོས་པ་དང་། གངྒཱའི་ཀླུང་གི་ཆུས་བཙོས་པ་ཤ་སྟག་སྟེ། སྐྱུར་བ་དང་། ལན་ཚྭའི་རོ་དང་། མངར་བ་དང་། བསྐ་བ་དང་། ཚ
8a5 བ་དང་། ཁ་བའི་རོ་དང་ལྡན་པ། མདངས་སྐྱེད་པ། ཕན་པར་འགྱུར་བ་ཤ་སྟག་ག་།སཱ་ལ་ཟུང་གི་དྲུང་གི་ཉེན་ཀོར་ཐམས་ཅད་ཀྱང་གསེར་གྱི་བྱེ་མ་འཇམ་པོས་བརྡལ་ཏེ། ག་བུ་ཤའི
8a6 རས་དང་། སྣམ་བུ་དང་། བཙོས་སྣམ་དང་། དྲེའུ་རྡོག་དང་། ཀ་ལིངྐའི་རས་དང་། ཟབ་དར་འཇམ་ཞིང་མདོག་དཀར་བ་རྣམས་ཀྱང་བཏིང་ངོ་། །གྲུབ་པའི་གནས་དེའི་གཞི་དཔག་ཚད
8a7 སུམ་ཅུ་རྩ་གཉིས་ཁོར་ཁོར་ཡུག་ཀྱང་གུར་གུམ་གྱིས་བྱུགས་སོ། །བཅོམ་ལྡན་འདས། དགེ་སློང་གི་དགེ་འདུན་བཅས་པའི་སེངྒེའི་ཁྲི་ཆེན་པོ་གསེར་ལས་བྱས་པ། རིན་པོ་ཆེ་སྣ་བདུན
iiif viewer powered by OpenSeadragon
