| e-texts navigator |
| Wylie |
89b1 དཔོན་བྱེད་དེ། རིག་སྔགས་དང་། གསང་སྔགས་དང་། སྤྲུལ་པ་ཐམས་ཅད་ཀྱང་སྟོན་ལ། ཡ་མཚན་ཅན་ཐམས་ཅད་ཀྱིས་རྒྱགས་པ་དང་། ང་རྒྱལ་བཅོམ་ནས་དེ་དག་ལ་ཤིང་བལ་ལྟ་བུར་སྙིང་པོ
89b2 མེད་པ་ཡང་དག་པར་སྟོན་ཅིང་དེ་དག་དམ་པའི་ཆོས་ལ་འཛུད་པར་བྱེད་པ་འདི་ནི། འཇིག་རྟེན་དང་མཐུན་པར་བྱ་བ་ཡིན་ཏེ། དེར་སེམས་ཅན་ལྟ་བའི་འདུ་ཤེས་ཅན་རྣམས་ཀྱིས་སེམས་ཅན་འདི་ནི།
89b3 འཇིག་རྟེན་པའོ། །སྙམ་དུ་ཡང་དག་པར་ཤེས་མོད་ཀྱི། དེ་བཞིན་གཤེགས་པ་ནི། འཇིག་རྟེན་མ་ཡིན་གྱི། འཇིག་རྟེན་ལས་འདས་པའི་ཆོས་གཟིགས་པ་ཡིན་ནོ། །ཛམྦུའི་གླིང་ལ་ལར་ནི། འཇིག
89b4 རྟེན་དང་མཐུན་པར་བྱ་བས་ངེས་པར་བསྒྲལ་བར་བྱ་བའི་ཕྱིར་བྲན་དང་། བྲན་མོར་ཡང་སྟོན་ཏེ། སེམས་ཅན་རྣམས་ཀྱིས་བྲན་དང་། བྲན་མོའོ། །སྙམ་དུ་ཡང་དག་པར་ཤེས་པ་དེ་ནི། རིགས་དམའ
89b5 བར་སྟོན་པ་ཡིན་ནོ། །ཛམྦུའི་གླིང་ལ་ལར་ནི། ངས་འཇིག་རྟེན་གྱི་བྱ་བ་ཐམས་ཅད་བསྟན་ཏེ། སེམས་ཅན་རྣམས་ཀྱིས་སེམས་ཅན་འདི་ནི། འཇིག་རྟེན་ལྷུར་བྱེད་པ་ཡིན་ནོ། །སྙམ་དུ་ཡང་དག་པར
89b6 ཤེས་སོ|་|དེ་ལྟར་སྟོན་དུ་ཟིན་ཀྱང་དེ་བཞིན་གཤེགས་པ་ནི། ལས་དེ་བྱེད་པ་མ་ཡིན་ཏེ། འཇིག་རྟེན་ཐམས་ཅད་དང་མཐུན་པར་བྱ་བ་ནི། འཇིག་རྟེན་བསྒྲལ་བའི་ཕྱིར་རོ། །དེ་བཞིན་དུ་བྱང་གི་སྒྲ་མི
89b7 སྙན་དང་། ཤར་གྱི་ལུས་འཕགས་དང་། ནུབ་ཀྱི་བ་ལང་སྤྱོད་རྣམས་དང་། སྲིད་པ་ཉི་ཤུ་རྩ་ལྔ་དག་ཏུའང་འཇིག་རྟེན་པ་དང་མཐུན་པར་བྱ་བའི་སྒོ་ནས་དེ་དང་དེ་དག་དེ་བཞིན་དུ་སྦྱར་ཏེ། སྟོང་གསུམ་གྱི
iiif viewer powered by OpenSeadragon
