| e-texts navigator |
| Wylie |
88a1 ཡིན་ཏེ། སེམས་ཅན་རྣམས་ཀྱིས་ཚངས་པའི་བདག་པོའོ། །སྙམ་དུ་ཡང་དག་པར་ཤེས་སོ། །དེ་བཞིན་དུ་ལྷ་ཐམས་ཅད་ཀྱི་གནས་སུ་དེའི་གཟུགས་ཀྱི་བགེགས
88a2 བྱས་ནས་སེམས་ཅན་ཐམས་ཅད་དམ་པའི་ཆོས་ལ་འགོད་པར་བྱེད་དེ། སེམས་ཅན་རྣམས་ཀྱི་ལྷ་ཐམས་ཅད་ཀྱི་གནས་ཀྱི་བདག་པོའོ། །སྙམ་དུ་ཡང་དག་པར་ཤེས་སོ། །ཛམྦུའི་གླིང་ལ་ལར
88a3 ནི|་ངས་སྨད་ཚོང་མ་རྣམས་ངེས་པར་བསྒྲལ་བའི་ཕྱིར་སྨད་ཚོང་མའི་ཁྱིམ་དུ་འགྲོ་བ་བསྟན་ལ། ང་ལ་འདོད་པའི་ཉེས་པའང་མི་སྐྱེ་སྟེ། ཆུའི་ནང་གི་པདྨ་བཞིན་དུ་ང་ལ་འདོད་པ་རྣམས་ཀྱི་ཉེས
88a4 པས་མི་གོས་སོ། །ང་ནི། འདོད་པ་ལ་ཆགས་པའི་སེམས་ཅན་རྣམས་འདོད་པའི་ཆུ་བོ་ལས་ངེས་པར་བསྒྲལ་བའི་ཕྱིར་བཞི་མདོ་དང་། སུམ་མདོ་ཐམས་ཅད་དུའང་སྣང་མོད་ཀྱི། དེའི་ལས་བྱེད
88a5 པའང་མ་ཡིན་ཏེ། སེམས་ཅན་རྣམས་ཀྱིས་ནི། འདི་ནི། ཡུལ་རྒྱུ་བ་ཡིན་ནོ། །སྙམ་དུ་ཡང་དག་པར་ཤེས་སོ། །ཛམྦུའི་གླིང་ལ་ལར་ནི། དམངས་མོ་རྣམས་དམ་པའི་ཆོས་ལ་གཟུད་པའི་ཕྱིར
88a6 ང་རོལ་མོའི་གནས་སུ་འགྲོ་བར་བྱེད་མོད་ཀྱི། ང་ནི། ལས་དེ་བྱེད་པའང་མ་ཡིན་ནོ། །ཛམྦུའི་གླིང་ལ་ལར་ནི། བྱིས་པ་རྣམས་ངེས་པར་བསྒྲལ་བའི་ཕྱིར་ཡི་གེ་སློབ་པའི་སར་སོང་སྟེ། གྲཝ
88a7 དཔོན་བྱེད་ཅིང་བྱིས་པ་རྣམས་སློབ་པར་བྱེད་དོ། །ཛམྦུའི་གླིང་ལ་ལར་ནི། སེམས་ཅན་དེ་དག་བསྒྲལ་བའི་ཕྱིར་ང་ཆང་འཐུང་བར་བྱེད། རྒྱན་པོས་རྩེ་བར་བྱེད། གཡེང་པ་ལ་དགའ་བར་བྱེད
iiif viewer powered by OpenSeadragon
