| e-texts navigator |
| Wylie |
87a1 བར་སྟོན་ཏེ། སེམས་ཅན་རྣམས་ཀྱིས་སྐྱེས་སོ། །སྙམ་དུ་ཡང་དག་པར་ཤེས་སོ། །ང་ནི། བསྐལ་པ་བྱེ་བ་ཕྲག་གྲངས་མེད་པ་ནས་བྱ་བ་བྱས་ཟིན་མོད་ཀྱི། དེར
87a2 ཡང་གོ་འཕང་ཐམས་ཅད་ཀྱི་དོན་ཐོབ་པའི་མཐར་ཐུག་པར་བསྟན་ཏེ། འདི་ནི། འཇིག་རྟེན་དང་མཐུན་པར་བྱ་བ་ཙམ་དུ་ཟད་དོ། །ཛམྦུའི་གླིང་ལ་ལར་ནི། ངས་ཚུལ་ཁྲིམས་འཆལ་པ་ཕམ་པ
87a3 བྱུང་བ་ལྟ་བུར་བསྟན་ཏེ། སེམས་ཅན་རྣམས་ཀྱིས་ཀྱེ་མ་ཕམ་པ་བྱུང་བའོ། །སྙམ་དུ་ཡང་དག་པར་ཤེས་མོད་ཀྱི། ང་ནི། སྔོན་ཆད་གཡེལ་བར་གྱུར་པ་མེད་དོ། །ཛམྦུའི་གླིང་ལ་ལར་ནི། ངས་བདག
87a4 ཉིད་དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། དགྲ་བཅོམ་པ་གསོད་པ་དང་། ཕ་མ་གསོད་པ་དང་། བདག་ཉིད་དགེ་འདུན་གྱི་དབྱེན་བྱེད་པར་བསྟན་ཏེ། སེམས་ཅན་རྣམས
87a5 ཀྱིས་ཀྱེ་མ་སེམས་ཅན་འདི་ནི། མཚམས་མེད་པ་ལྔའི་ལས་བྱེད་པ་ཡིན་ནོ། །སྙམ་དུ་ཡང་དག་པར་ཤེས་མོད་ཀྱི། ངའང་དེ་ལྟ་བུའི་ལས་བྱེད་པ་མ་ཡིན་ལ་ལྷ་དང་བཅས་པའི་འཇིག་རྟེན་ནའང་སུས
87a6 ཀྱང་དགེ་འདུན་འབྱེད་མི་ནུས་སོ། །ཛམྦུའི་གླིང་ལ་ལར་ནི། ངས་དམ་པའི་ཆོས་སྤོང་བ་དང་། བདག་ཉིད་འདོད་ཆེན་པར་སྟོན་ཏེ། སེམས་ཅན་རྣམས་ཀྱིས་ཀྱེ་མ་སེམས་ཅན་འདི་ནི། དམ་པའི་ཆོས
87a7 སྤོང་བ་དང་། འདོད་ཆེན་པའོ། །སྙམ་དུ་ཡང་དག་པར་ཤེས་ལ། འདོད་ཆེན་པ་ལྟ་བུར་བསྟན་པ་ནི། མ་འོངས་པའི་སེམས་ཅན་རྣམས་ཀྱི་ཕྱིར་ཏེ། འཇིག་རྟེན་པ་ནི། རྟག་ཏུ་འདོད་ཆེན་པ
iiif viewer powered by OpenSeadragon
