| e-texts navigator |
| Wylie |
85b1 རབ་ཏུ་འབྱུང་བ་བསྟན་ཏེ། སེམས་ཅན་རྣམས་ཀྱིས་ཀྱེ་མ་གཞོན་ནུ་ནི། རབ་ཏུ་བྱུང་ངོ་། །སྙམ་དུ་ཡང་དག་པར་ཤས་སོ། །ངས་ནི། བསྐལ་པ་བྱེ་བ་ཕྲག་གྲངས་མེད་པ་ནས་རབ་ཏུ་བྱུང་བའི་བྱ་བ་མཐར
85b2 གཏུགས་ཟིན་མོད་ཀྱི། སྐྱོ་བར་གྱུར་ནས་རབ་ཏུ་བྱུང་བ་ལྟ་བུར་སྟོན་པ་ནི། འཇིག་རྟེན་དང་མཐུན་པར་བྱ་བ་ཙམ་དུ་ཟད་དོ། །ངས་བསྙེན་པ་རྫོགས་པ་ལྟ་བུར་བསྟན་པ་དེའང་འཇིག་རྟེན་ངེས་པར་བསྒྲལ
85b3 བའི་ཕྱིར་རོ། །ངས་རྒྱུན་དུ་ཞུགས་པ་དང་། ལན་གཅིག་ཕྱིར་འོང་བ་དང་། ཕྱིར་མི་འོང་བ་དང་། དགྲ་བཅོམ་པ་ཉིད་ལ་སོགས་པ་དང་། མཐར་གྱིས་གནས་པའི་སྙོམས་པར་འཇུག་པ་རྣམས་ཀྱང་བསྟན
85b4 ཏེ|་སེམས་ཅན་རྣམས་ཀྱིས་ཀྱེ་མ་མྱུར་བ་ཁོ་ནར་བླ་ན་མེད་པའི་དགྲ་བཅོམ་པར་གྱུར་ཏོ། །སྙམ་དུ་ཡང་དག་པར་ཤེས་སོ། །ང་ནི། བསྐལ་པ་བྱེ་བ་ཕྲག་གྲངས་མེད་པ་ནས་ཀྱང་དགྲ་བཅོམ་པའི་བྱ་བ
85b5 མཐར་གཏུགས་ཟིན་མོད་ཀྱི། བྱང་ཆུབ་ཀྱི་ཤིང་དྲུང་དུ་རྩཝ་བཏིང་བ་ལ་འདུག་པ་དང་། བདུད་འདུལ་བར་བསྟན་པ་འདི་ནི། འཇིག་རྟེན་ངེས་པར་བསྒྲལ་བའི་ཕྱིར་ཏེ། བདུད་ཕམ་པར་བྱས་ནས
85b6 བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ། །སྙམ་དུ་སེམས་ཅན་རྣམས་ཀྱིས་ཡང་དག་པར་ཤེས་སོ། །ང་ནི། བསྐལ་པ་བྱེ་བ་ཕྲག་གྲངས་མེད་པ་ནས་ཉོན་མོངས་པའི་རྣམ་པ་དང་། ལྷ་དང་།
85b7 རང་བཞིན་གྱི་བདུད་ཕམ་པར་བྱས་ནས་བདུད་རྩིའི་མཆོག་རྟོགས་སོ། །ངས་ནི། བཤད་བ་དང་། གཅི་བ་དང་། དབུགས་རྡུལ་པ་དང་། དབུགས་འབྱུང་བའི་བྱ་བ་སྟོན་མོད་ཀྱི། ངའི་ལུས་ལ་རྒྱུ་དང
iiif viewer powered by OpenSeadragon
