| e-texts navigator |
| Wylie |
84a1 རྣམས་སྤངས་ཏེ་ལུས་ཀྱི་ཐ་མར་གཏུགས་པར་བྱའོ། །ཞེས་ཟེར་རོ། །ཤར་ཕྱོགས་སུ་ཁ་བལྟས་ཏེ་གོམ་པ་བདུན་བོར་ནས་སེམས་ཅན་ཐམས་ཅད་ཀྱི་ཐོག་མར་འགྲོ་བར
84a2 བྱའོ|་|ཞེས་ཟེར་རོ། །ཕྱོགས་མཚམས་རྣམས་སུ་གོམ་པ་བདུན་བདུན་བོར་ནས་ཉོན་མོངས་པ་རྣམ་པ་སྣ་ཚོགས་ཀྱི་རང་བཞིན་གྱི་བདུད་བཅོམ་སྟེ་དགྲ་བཅོམ་པ་ཡང་དག་པར་རྫོགས་པའི
84a3 སངས་རྒྱས་སུ་འགྱུར་བར་བྱའོ། །ཞེས་ཟེར་རོ། །སྟེང་གི་ཕྱོགས་ཆ་ལོགས་སུ་གོམ་པ་བདུན་བོར་ནས་མྱུར་དུ་ནམ་མཁའ་བཞིན་དུ་རུང་བ་མ་ཡིན་པའི་ཆོས་ཐམས་ཅད་ཀྱིས་ལུས་མི་གོས་པར
84a4 བྱའོ|་|ཞེས་ཟེར་རོ། །འོག་གི་ཕྱོགས་ཆ་ལོགས་སུ་གོམ་པ་བདུན་བོར་ནས་སེམས་ཅན་དམྱལ་བ་པ་ཐམས་ཅད་ཀྱི་སེམས་ཅན་དམྱལ་བའི་མེ་གསད་པའི་ཕྱིར་སྤྲིན་ཆེན་པོ་ལྟར་ཆོས་ཀྱི
84a5 ཆར་དབབ་པར་བྱ་སྟེ། དེ་དག་བདེ་བ་དང་ལྡན་པར་བྱའོ། །ཚུལ་ཁྲིམས་འཆལ་བ་རྣམས་ལ་ནི། སེར་བ་ལྟ་བུར་འགྱུར་བར་བྱའོ། །ཞེས་ཟེར་རོ། །ཛམྦུའི་གླིང་ལ་ལར་ནི། ང་གཙུག་ཕུད་འཆའ
84a6 བར་སྟོན་ཏེ། སེམས་ཅན་རྣམས་ཀྱིས་བྱིས་པའི་གཙུག་ཕུད་བཅས་སོ། །སྙམ་དུ་ཡང་དག་པར་ཤེས་མོད་ཀྱི། ལྷ་དང་བཅས་པའི་འཇིག་རྟེན་ན་ངའི་མགོ་བོ་ནས་འཛིན་ཅིང་སྐྲ་གཅོད་ནུས་པའི་མི
84a7 སུའང་མེད་དེ། སྔོན་བསྐལ་པ་གྲངས་མེད་པ་ནས་ཀྱང་ངས་གཙུག་ཕུད་བཅའ་བའི་མཐར་གཏུགས་ཟིན་པས་ན། སྤུ་གྲིས་ངའི་སྐྲ་གཅོད་པར་འགྱུར་བ་ནི། མི་སྲིད་དོ། །འདི་ནི། འཇིག་རྟེན་དང
iiif viewer powered by OpenSeadragon
