| e-texts navigator |
| Wylie |
83b1 མེད་པ་ནས་ལན་འགའ་ཡང་འཁྲིག་པ་ལས་མ་སྐྱེས་ཏེ། འཁྲིག་པ་ལས་སྐྱེས་པའི་ལུས་ལས་རྒལ་བས་ན། ཤའི་ལུས་མ་ཡིན་གྱི། ཆོས་ཀྱི་སྐུ་ཡིན་ནོ། །འཁྲིག་པའི་མངལ་དུ་འཇུག་པ་འདི་ནི།
83b2 འཇིག་རྟེན་དང་མཐུན་པར་བྱ་བའི་ཐབས་ཙམ་དུ་ཟད་དོ། །རིགས་ཀྱི་བུ། ཛམྦུའི་གླིང་ལ་ལར་ནི། ང་བུ་བཙའ་བའི་པང་དུ་བུར་སྐྱེ་བར་ཡང་སྟོན་ཅིང་སྐྱེད་མོས་ཚལ་གྱི་གནས་སུ་བཙའ་བའི་བུ་ལྟ
83b3 བུར་གྱུར་ཏེ། སྐྱེན་པར་ལངས་ནས་བྱང་ཕྱོགས་སུ་ཁ་བལྟས་ཏེ་གོམ་པ་བདུན་བོར་ནས་ལྷ་དང་། མི་དང་། ལྷ་མ་ཡིན་དང་བཅས་པའི་འཇིག་རྟེན་གྱི་བླ་ན་མེད་པར་འགྱུར་བར་བྱའོ། །ཞེས་ཟེར་ཏེ།
83b4 སེམས་ཅན་རྣམས་ཀྱིས་ནི། བྱིས་པ་བཙས་མ་ཐག་ཏུ་གོམ་པ་བདུན་འདོར་བ་སྔོན་ཆད་བདག་གིས་མ་མཐོང་སྟེ། ཀྱེ་མ་བདག་གི་བུ་ནི། ལྷའི་བུ་ཞིག་གོ། སྙམ་དུ་ཡང་དག་པར་ཤེས་སོ། །སེམས
83b5 ཅན་མང་པོ་གཞན་དག་ཀྱང་ངོ་འཚར་དུ་འཛིན་ཏེ། འོན་ཀྱང་ང་ནི། བསྐལ་པ་བྱེ་བ་ཕྲག་གྲངས་མེད་པ་ནས་བྱིས་པའི་དངོས་པོ་ལས་ལོག་པས་ནམ་ཡང་བྱིས་པར་མ་གྱུར་ཏེ། ང་ནི། ཆོས་ཀྱི་སྐུ་ཡིན
83b6 གྱི|་རུས་པ་དང་། རྒྱུས་པ་དང་། ཤ་དང་། ཁྲག་གི་ལུས་མ་ཡིན་ལ། བྱིས་པར་འགྱུར་བའང་སྟོན་པ་འདི་ནི། འཇིག་རྟེན་དང་མཐུན་པར་བྱ་བ་ཙམ་དུ་ཟད་དོ། །བྱང་ནས་ལངས་ཏེ་ལྷོའི་ཕྱོགས་ཆ་ལོགས
83b7 སུ་གོམ་པ་བདུན་བོར་ནས་འཇིག་རྟེན་ཐམས་ཅད་དུ་ཡོན་གནས་སུ་འགྱུར་བར་བྱའོ། །ཞེས་ཟེར་རོ། །ནུབ་ཀྱི་ཕྱོགས་ཆ་ལོགས་སུ་གོམ་པ་བདུན་བོར་ནས་སྐྱེ་བ་དང་། རྒ་བ་དང་། ན་བ་དང་། འཆི་བ
iiif viewer powered by OpenSeadragon
