| e-texts navigator |
| Wylie |
83a1 འདས་པ་ཆེན་པོ་ཞེས་བྱའོ། །ཡོངས་སུ་མྱ་ངན་ལས་འདས་པ་ཆེན་པོ་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི། སེམས་ཅན་ཐམས་ཅད་ཀྱིས
83a2 ཀྱང་འདི་འདྲ་བ་ཞིག་གོ། དེ་འདྲ་བ་ཞིག་གོ། འདི་ལྟར་བྱས་སོ། །འདི་ལྟ་བུ་ཞིག་བྱས་སོ། །སྙམ་དུ་ཤེས་པར་མི་ནུས་ན། རིགས་ཀྱི་བུ། ཁྱོད་ཀྱིས་དེ་བཞིན་གཤེགས་པས་འདོད་པ་རྣམས
83a3 སྤྱད་དོ|་|སྒྲ་གཅན་ཟིན་གྱི་ཕར་གྱུར་ཏོ། །སྙམ་དུ་ཤེས་རེ་སྐན། རིགས་ཀྱི་བུ། གཞན་ཡང་དེང་ངས་ཡོངས་སུ་མྱ་ངན་ལས་འདས་པ་ཆེན་པོ་ལ་གནས་ནས་སྟོང་གསུམ་གྱི་སྟོང་ཆེན་པོའི་འཇིག་རྟེན
83a4 གྱི་ཁམས་གང་ན་ཉི་མ་དང་། ཟླ་བ་ཐེར་འབུམ་ཡོད་པ་དང་། ཛམྦུའི་གླིང་ཐེར་འབུམ་ཡོད་པའི་སྟོང་ཁམས་དག་ཏུ་ཆོ་འཕྲུལ་ཆེན་པོ་བསྟན་པར་བྱའོ། །དེ་ལ་སྟོང་གསུམ་གྱི་སྟོང་ཆེན་པོའི་འཇིག
83a5 རྟེན་གྱི་ཁམས་ནི། དཔའ་བར་འགྲོ་བའི་ཏིང་ངེ་འཛིན་གྱི་ལུགས་བཞིན་དུ་རྒྱས་པར་སྦྱར་བར་བྱའོ། །ང་ནི། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་ཛམྦུའི་གླིང་ལ་ལར་ནི། ཡོངས
83a6 སུ་མྱ་ངན་ལས་འདས་པ་ཆེན་པོ་བྱེད་པ་ལྟ་བུར་སྟོན་ལ། ཡོངས་སུ་མྱ་ངན་ལས་འདས་པ་ཆེན་པོར་གཏན་དུ་ཡོངས་སུ་མྱ་ངན་ལས་འདའ་བར་ཡང་མི་བྱེད་དོ། །ཛམྦུའི་གླིང་ལ་ལར་ནི། ངས་ཕ་མ
83a7 གཉིས་ཀྱི་ཟླ་མཚན་གྱི་དུས་སུ་མངལ་དུ་སྐྱེ་བར་སྟོན་ཏེ། དེ་གཉིས་ཀྱིས་ཀྱང་བདག་ཅག་གཉིས་ཀྱི་བུར་འགྱུར་རོ། །སྙམ་དུ་ཡང་དག་པར་ཤེས་སོ། །ང་ནི། བསྐལ་པ་མང་པོ་བྱེ་བ་ཕྲག་གྲངས
iiif viewer powered by OpenSeadragon
