| e-texts navigator |
| Wylie |
82a1 ཡང་དག་པར་མཐོང་ངོ་། །རིགས་ཀྱི་བུ། གཞན་ཡང་ཡོངས་སུ་མྱ་ངན་ལས་འདས་པ་ཆེན་པོ་འདི་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོས་ནི། འཇིག
82a2 ར་ཏེན་གྱི་ཁམས་འདི་ན་འདུག་བཞིན་དུ་ཕྱོགས་བཅུའི་འཇིག་རྟེན་གྱི་ཁམས་རྣམས་ཁབ་ཀྱི་རྩེ་མོས་རྒྱ་ཤུག་གི་ལོ་མ་བཞིན་དུ་བླངས་ཏེ་འཇིག་རྟེན་གྱི་ཁམས་གཞན་དུ་འདོར་བར་བྱེད་ལ་སེམས་ཅན
82a3 གཅིག་ལའང་གནོད་པར་མི་འགྱུར་ཏེ། །སེམས་ཅན་དེ་དག་གིས་བདག་ཅག་གང་དུ་སོང་ངོ་། །གང་དུ་ཁྱེར། གང་དུ་བཅུག་སྙམ་དུ་མི་ཤེས་ཤིང་མི་མཐོང་ངོ་། །སེམས་ཅན་གཞན་དག་གིས་ནི།
82a4 འདིས་འདི་ལྟར་བྱས་སོ། །སྙམ་དུ་ཡང་དག་པར་ཤེས་ཤིང་ཡང་དག་པར་མཐོང་ངོ་། །དེ་ནས་ཡང་དེ་རང་གི་གནས་སུ་འཇོག་པར་བྱེད་དོ། །རིགས་ཀྱི་བུ། གཞན་ཡང་ཡོངས་སུ་མྱ་ངན་ལས་འདས
82a5 པ་ཆེན་པོ་འདི་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོས་ནི། ཕྱོགས་བཅུའི་འཇིག་རྟེན་གྱི་ཁམས་རྣམས་ལག་པ་གཡས་པས་བླངས་ཏེ་རྫ་མཁན་གྱི་འཁོར་ལོ་བཞིན་དུ་འཇིག
82a6 རྟེན་གྱི་ཁམས་རྡུལ་ཕྲ་མོའི་རྡུལ་སྙེད་ཀྱི་ཕ་རོལ་གྱིའང་ཆེས་ཕ་རོལ་ཏུ་འཕེན་པར་བྱེད་ལ། སེམས་ཅན་གཅིག་ལའང་གནོད་པར་མི་འགྱུར་ཏེ། སེམས་ཅན་དེ་དག་གིས་བདག་ཅག་གང་དུ་སོང་།
82a7 གང་དུ་ཁྱེར། གང་དུ་བཅུག་སྙམ་དུ་མི་ཤེས་ཤིང་མི་མཐོང་ངོ་། །སེམས་ཅན་གཞན་དག་གིས་ནི། འདིས་འདི་ལྟར་བྱས་སོ། །སྙམ་དུ་ཡང་དག་པར་ཤེས་ཤིང་ཡང་དག་པར་མཐོང་ངོ་། །དེ
iiif viewer powered by OpenSeadragon
