| e-texts navigator |
| Wylie |
81b1 སེམས་དཔའ་ཆེན་པོ་འདིས་རིའི་རྒྱལ་པོ་རི་རབ་ཡུངས་འབྲུའི་ཁོང་དུ་བཅུག་སྟེ་སྦས་སོ། །སྙམ་དུ་ཡང་དག་པར་ཤེས་ཤིང་ཡང་དག་པར་མཐོང་ངོ་། །དེ་ནས་ཡང་དེ་རང་གི་གནས་སུ་འཇོག་པར་བྱེད་དེ། མདོ
81b2 ཆེན་པོ་འདི་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོའི་ཡུལ་ནི། དེ་ལྟ་བུ་ཡིན་ནོ། །རིགས་ཀྱི་བུ། དེ་བས་ཀྱང་ལྷག་པར་ཡོངས་སུ་མྱ་ངན་ལས་འདས་པ་ཆེན་པོ་ལ་གནས་པའི་བྱང་ཆུབ
81b3 སེམས་དཔའ་སེམས་དཔའ་ཆེན་པོས་ནི། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཡུངས་འབྲུའི་ཁོང་དུ་འཇུག་པར་བྱེད་ལ་སེམས་ཅན་གཅིག་ལའང་གནོད་པར་མི་འགྱུར་ཏེ། སེམས
81b4 ཅན་དེ་དག་གིས་བདག་ཅག་གང་དུ་སོང་། གང་དུ་ཁྱེར། གང་དུ་བཅུག་སྙམ་དུ་མི་ཤེས་ཤིང་མི་མཐོང་ངོ་། །སེམས་ཅན་གཞན་དག་གིས་ནི། འདིས་འདི་ལྟར་བྱས་སོ། །སྙམ་དུ་ཡང་དག་པར
81b5 ཤེས་ཤིང་ཡང་དག་པར་མཐོང་ངོ་། །དེ་ནས་ཡང་རང་གི་གནས་སུ་འཇོག་པར་བྱེད་དོ། །རིགས་ཀྱི་བུ། གཞན་ཡང་ཡོངས་སུ་མྱ་ངན་ལས་འདས་པ་ཆེན་པོ་འདི་ལ་གནས་པའི་བྱང་ཆུབ་སེམས་དཔའ
81b6 སེམས་དཔའ་ཆེན་པོས་ནི། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རང་གི་བ་སྤུའི་ཁུང་བུར་འཇོག་པར་བྱེད་ལ། སེམས་ཅན་གཅིག་ལའང་གནོད་པར་མི་འགྱུར་ཏེ། སེམས་ཅན་དེ
81b7 དག་གིས་བདག་ཅག་གང་དུ་སོང་། གང་དུ་ཁྱེར། གང་དུ་བཅུག་སྙམ་དུ་མི་ཤེས་ཤིང་མི་མཐོང་ངོ་། །སེམས་ཅན་གཞན་དག་གིས་ནི། འདིས་འདི་ལྟར་བྱས་སོ། །སྙམ་དུ་ཡང་དག་པར་ཤེས་ཤིང་།
iiif viewer powered by OpenSeadragon
