| e-texts navigator |
| Wylie |
81a1 དུ་དེ་བཞིན་གཤེགས་པ་སྒྲ་གཅན་ཟིན་གྱི་མ་དང་ལྷན་ཅིག་ཏུ་འདོད་པ་རྣམས་བསྟེན་པ་དང་། སྒྲ་གཅན་ཟིན་གྱི་ཡབ་ཏུ་གྱུར་པར་ཡང་བསྟན་ཏེ། དེ་བས་ན། དེ་བཞིན
81a2 གཤེགས་པ་ནི། བསྐལ་པ་དུ་མ་བྱེ་བ་སྙེད་ཀྱིས་འདོད་པའི་ཆུ་བོ་ལས་ངེས་པར་རྒལ་བ་མ་ལགས་སོ། །བཀའ་སྩལ་པ། རིགས་ཀྱི་བུ། ཁྱོད་དེ་བཞིན་གཤེགས་པ་དགྲ་བཅོམ་པ་ཡང་དག་པར
81a3 རྫོགས་པའི་སངས་རྒྱས་ད་ལྟ་མངོན་སུམ་དུ་སྒྲ་གཅན་ཟིན་གྱི་མ་དང་ལྷན་ཅིག་ཏུ་འདོད་པ་རྣམས་བསྟེན་པ་དང་། སྒྲ་གཅན་ཟིན་གྱི་ཡབ་ཏུ་གྱུར་པར་ཡང་བསྟན་ཏེ། དེ་བས་ན། དེ་བཞིན་གཤེགས
81a4 པ་ནི|་བསྐལ་པ་དུ་མ་བྱེ་བ་སྙེད་ཀྱིས་འདོད་པའི་ཆུ་བོ་ལས་ངེས་པར་རྒལ་བ་མ་ཡིན་ནོ། །ཞེས་དེ་སྐད་མ་ཟེར་ཅིག་།ཡོངས་སུ་མྱ་ངན་ལས་འདས་པ་ཆེན་པོ་ནི། རྟག་པ་ཆེན་པོ་ཞེས་བྱ་སྟེ།
81a5 སེམས་གུད་དུ་མ་གཡེང་བར་ཉོན་ལ་ཐོས་ནས་ཀྱང་གཞན་དག་ལ་སྟོན་ཅིག་།དེས་སྐྲག་པར་ཡང་མ་བྱེད་ཅིག་།ཡོངས་སུ་མྱ་ངན་ལས་འདས་པ་ཆེན་པོ་འདི་ལ་གནས་པའི་བྱང་ཆུབ་སེམས
81a6 དཔའ་སེམས་དཔའ་ཆེན་པོས་ནི། རིའི་རྒྱལ་པོ་རི་རབ་དེ་ལྟར་མཐོ་ཞིང་། དེ་ལྟར་ཐ་གྲུ་ཆེ་བ་ཡུངས་འབྲུའི་ཁོང་དུ་འཇུག་པར་བྱེད་ལ་རི་རབ་ལ་གནས་པའི་སེམས་ཅན་རྣམས་ལའང་གནོད
81a7 པར་མི་འགྱུར་ཏེ། སེམས་ཅན་དེ་དག་གིས་བདག་ཅག་གང་དུ་སོང་། གང་དུ་ཁྱེར། གང་དུ་བཅུག་སྙམ་དུ་མི་ཤེས་ཤིང་མི་མཐོང་ངོ་། །སེམས་ཅན་གཞན་དག་གིས་ནི། བྱང་ཆུབ་སེམས་དཔའ
iiif viewer powered by OpenSeadragon
