| e-texts navigator |
| Wylie |
80a1 བ་ནི|་མི་སྲིད་དོ། །དེ་བཞིན་དུ་དེ་བཞིན་གཤེགས་པའང་མྱ་ངན་ལས་འདས་པ་ཆེན་པོ་འདི་དང་བཅས་ཏེ་མི་རྟག་པར་འགྱུར་བ་ནི། མི་སྲིད་དེ། ཇི་ལྟར་ལྕགས་ཀྱི་མེ་གྲང་བར
80a2 འགྱུར་བ་དེ་བཞིན་དུ་དེ་བཞིན་གཤེགས་པའང་བསྐལ་པ་མང་པོ་གྲངས་མེད་པ་བྱེ་བ་སྙེད་དུ་བསགས་པའི་ཉོན་མོངས་པ་རྣམས་ཟད་ནས་རྟག་པ་དང་། བརྟན་པ་དང་། ཐེར་ཟུག་པར་འགྱུར་ཏེ། དེ་ལྟར
80a3 ན|་ཡང་དག་པར་རྣམ་པར་གྲོལ་བའི་དེ་བཞིན་གཤེགས་པ་ནི། རྟག་པ་དང་། བརྟན་པ་དང་། ཐེར་ཟུག་པ་ཡིན་ནོ། །འདོད་པའི་འདམ་ནི། ཉོན་མོངས་པ་རྣམས་ཞེས་བྱ་བའི་དོན་ཏེ། ཉོན་མོངས་པའི་འདམ
80a4 དེ་ལས་བསྐལ་པ་གྲངས་མེད་པས་བརྒལ་བས་ན། དེའི་ཕྱིར་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པ་ལ་དེ་བཞིན་གཤེགས་པའི་གནས་གདགས་པར་མི་ནུས་ཏེ། དེ་བས་ན། ཡང་དག
80a5 ཤེས་དང་རྣམ་གྲོལ་བ། །འདོད་པའི་འདམ་དང་ཆུ་བོ་བརྒལ། །མི་གཡོ་བདེ་བ་ཐོབ་རྣམས་ཀྱང་། །གང་དུ་སོང་བ་གདགས་སུ་མེད། །གསོལ་པ། བཅོམ་ལྡན་འདས། ཅི་ལགས། ཇི་ལྟར་ལྕགས་གྲང
80a6 པར་གྱུར་ཀྱང་སླད་ཀྱིས་ཡང་ཞུགས་ཀྱིས་ཚ་བར་འགྱུར་བ་བཞིན་དུ་གལ་ཏེ་དེ་བཞིན་གཤེགས་པའང་དེ་དང་འདྲ་བར་གྱུར་ན་ནི། མི་རྟག་པར་འགྱུར་ལགས་སོ། །བཀའ་སྩལ་པ། དེ་བཞིན་གཤེགས་པ
80a7 ནི|་རྟག་སྟེ། བདག་ཉིད་མེ་ལྟ་བུར་གྱུར་ནས་ལྕགས་དང་འདྲ་བའི་སེམས་ཅན་མང་པོ་རྣམས་ཡེ་ཤེས་ཀྱི་མེས་བརྡ་སྤྲད་ནས་ཡང་དག་པ་མ་ཡིན་པའི་ཉོན་མོངས་པ་རྣམས་ཟད་པར་མཛད་དོ། །གསོལ
iiif viewer powered by OpenSeadragon
