| e-texts navigator |
| Wylie |
7a1 གུ་མང་པོ་རེ་རེ་ཞིང་ཡང་ལྡོང་རོས་ཀྱི་མདོག་ལྟ་བུ་དང་། ཟར་མའི་མེ་ཏོག་གི་མདོག་ལྟ་བུ་དང་། སྔོན་པོ་དང་། སེར་པོ་རྣམས་ཀྱིས་བར་བར་དུ་སྤེལ་བ་ཤ་སྟག་གོ་།
7a2 དེ་ལ་ཆིངས་མའི་ཐེ་གུ་མང་པོ་རེ་རེ་ཞིང་ཡང་གསེར་ཐགས་ཀྱི་མཆོག་རྣམ་པར་དག་པ། ཡུལ་མང་པོར་གྲགས་པ་དག་གིས་སྤེལ་བ་ཤ་སྟག་གོ་།དེ་ལ་ཡམ་བསྲེག་ཤིང་སྣ་རེ་ཞིང་ཡང
7a3 སྤོས་དྲི་བསུང་ཞིམ་པོ་དང་། མེ་ཏོག་ཕྲེང་དང་། གུར་གུམ་གྱི་ཕྱེ་མ་དང་ལྡན་པར་བྱས་པ། གསེར་ཐགས་ཀྱིས་གཡོགས་པ་དར་སྣས་བརྒྱན་པ་རིན་པོ་ཆེ་སྣ་བདུན་གྱི་ཤུབས་སྔོན་པོ་དང་།
7a4 སེར་པོ་དང་། སྔོ་སྐྱ་དང་། དཀར་པོ་དང་། བཙོད་ཀ་ལྟ་བུ་དག་གི་ནང་དུ་བཅུག་པ། ཡུལ་ཀ་ལི་དཀའི་རས་དང་། ཟར་མའི་རས་དང་། ཟབ་དར་དང་། རྒྱ་དར་གྱི་མཆོག་རྣམས་ཀྱིས་དཀྲིས་པ།
7a5 མེ་ཏོག་མང་པོས་བརྒྱན་པ། བྱུག་པ་དྲི་བསུང་ཞིམ་པོ་དག་གིས་བྱུགས་པ་ཤ་སྟག་གོ་།ཡམ་བསྲེག་ཤིང་སྣ་རེའི་ཤིང་རྟ་རེ་རེ་ཞིང་ཡང་རིན་པོ་ཆེ་སྣ་བདུན་གྱིས་བརྒྱན་པ་གསེར་གྱིས་མཛེས
7a6 པར་བྱས་པ་ཁ་ཅིག་། ཁ་ཅིག་ཏུ་སྔོན་པོ་དང་། དཀར་པོ་དང་། བབ་ལའི་ཁ་དོག་དང་། ལི་ཁྲིའི་ཁ་དོག་པས་ལྷག་པའི་འོད་གསལ་བ་དང་ལྡན་པ་ཤ་སྟག་གོ་།ཤིང་རྟ་དེ་དག་གི་གཉའ
7a7 ཤིང་རྣམས་ཀྱང་རིན་པོ་ཆེ་སྣ་བདུན་གྱིས་བརྒྱན་པ། དཔེ་མེད་པ། རྟ་ཅང་ཤེས་མགྱོགས་པ་དག་དང་སྦྱར་བ་ཤ་སྟག་གོ་།རྟ་དེ་དག་ཀྱང་རླུང་གི་ཤུགས་པས་མགྱོགས་པ། སྤུ་ཁ་ཆུ་སྐྱར
iiif viewer powered by OpenSeadragon
