| e-texts navigator |
| Wylie |
79a1 གྱིས་མི་ཁྱབ་སྟེ། འདི་ནི། དོན་གྱི་དམིགས་བྱུང་བའི་དབང་ཞེས་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། དོན་གྱི་དམིགས་བྱུང་བའི་ཕྱིར་དང་། ང
79a2 ཡོངས་སུ་མྱ་ངན་ལས་འདའ་བའི་ཕྱིར་ཆོས་ཀྱི་རྣམ་གྲངས་འདི་བཞིས་ཆོས་ཏོན་པར་བྱེད་དེ། ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་ནི། དོན་གྱི་དམིགས་བྱུང་བའི་དབང་ཞེས་བྱ་བ
79a3 ཡིན་པར་རིག་པར་བྱའོ། །བདག་གི་ལྷག་པའི་བསམ་པ་ཞེས་བྱ་བ་ནི། དེང་ངའི་ལྷག་པའི་བསམ་པ་བསྟན་པ་བཤད་པས་ན། བདག་གི་ལྷག་པའི་བསམ་པ་ཞེས་བྱ་བའང་ཡོངས་སུ་མྱ་ངན་ལས་འདས
79a4 པ་ཆེན་པོའི་མདོ་ཆེན་པོ་ཡིན་པར་རིག་པར་བྱའོ། །གཞན་གྱི་ལྷག་པའི་བསམ་པ་ཞེས་བྱ་བའང་ངས་དགེ་སློང་རྣམས་ཀྱི་བསམ་པ་རྟོགས་ནས་ང་ནི། རྟག་གོ་།ཞེས་བསྟན་པས་ན། གཞན་གྱི་ལྷག
79a5 པའི་བསམ་པའང་ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་ཡིན་པར་རིག་པར་བྱའོ། །འདྲི་བའི་དབང་ཞེས་བྱ་བའང་བྱང་ཆུབ་སེམས་དཔའ་སེམས་དཔའ་ཆེན་པོ་མཆོག་ཏུ་ཆ་ཕྲ་བའི་ཡེ
79a6 ཤེས་དང་ལྡན་པ། འོད་སྲུང་ཆེན་པོ་དང་རུས་གཅིག་པ་ཁྱོད་ཀྱི་དབང་དུ་བྱས་ནས་ཉན་ཐོས་དང་རང་སངས་རྒྱས་ཐམས་ཅད་ཀྱིས་སྔོན་མ་ཐོས་པའི་ཚིག་ཡི་གེ་འབྲུ་གཅིག་པའི་ཐེག་ལེའི་གཏམ་དགོངས
79a7 པའི་ཚིག་གསང་བ་སྣ་ཚོགས་བསྟན་པས་ན། དེའི་ཕྱིར་འདྲི་བའི་དབང་ཡང་ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་ཡིན་པར་རིག་པར་བྱའོ། །དེ་ལ་ལ་ལ་ཞིག་འདི་ལྟར་ན་ནི། སླུ་བར
iiif viewer powered by OpenSeadragon
