| e-texts navigator |
| Wylie |
78b1 སེམས་ཅན་དམྱལ་བར་བཞུགས་སྤྱོད་ན། ཐུགས་བརྩེ་བ་དང་ལྡན་པ་ཇི་ལྟར་ཉིད་ཀྱི་སྲས་རྣམས་ལ་སླུ་བར་མཛད། འོད་སྲུང་ཆེན་པོ་དང་རུས་གཅིག་པ། དཔེར་ན། གྲོང་ཁྱེར་རམ་རི་ཁྲོད་ཀྱི་གྲོང་ཞིག་ན་ཐག
78b2 པ་ཞིག་ཡོད་ན། དེ་ནི། དེར་རས་བཏགས་པའི་ཡོ་བྱད་ཐགས་ཆ་གང་ཁ་རྒལ་བ་འདོར་བར་བྱེད་པ་དང་། དཔེར་ན། འཁོར་ལོས་བསྒྱུར་བའི་རྒྱལ་པོ་ནི། ཐོག་མ་ཁོ་ནར་དགེ་བ་བཅུའི་ལས་ཀྱི་ལམ་རྣམས
78b3 གཅིག་ཅར་སྦྱོང་བར་མི་བྱེད་ཀྱི། སེམས་ཅན་གང་དང་གང་ཆོས་མ་ཡིན་པ་ལ་བརྟེན་པ་དེ་དང་དེ་དག་འཁོར་ལོ་རིན་པོ་ཆེས་བཏུལ་ནས་དམ་པའི་ཆོས་ལ་འགོད་པ་དེ་བཞིན་དུ། སངས་རྒྱས་བཅོམ་ལྡན
78b4 འདས་ཀྱང་ཐོག་མ་ཁོ་ནར་སོ་སོར་ཐར་པའི་བསླབ་པའི་གཞི་གཅིག་ཅར་འཆའ་བར་མི་མཛད་ཀྱི། དགེ་སློང་གང་དང་གང་གིས་ཉེས་པ་ཅི་དང་ཅི་བྱས་པའི་དོན་གྱི་དམིགས་བྱུང་བ་དེ་དང་དེ་གླེང་གཞིར
78b5 མཛད་ནས་བསླབ་པའི་གཞི་འཆའ་བར་མཛད་ལ། སེམས་ཅན་ཆོས་འདོད་པ་གང་ཡིན་པ་རྣམས་ཀྱིས་དེ་དང་དེ་མཐོང་ན། ཡིད་ཆེས་པར་འགྱུར་ཏེ། དེ་དག་དབང་དུ་འཇོག་གོ། དེ་ལྟར་ན། ཤིན་ཏུ
78b6 བ་རྟག་དཀའ་བའི་ཆོས་ཡང་དག་པར་གཟིགས་ནས་ཐ་ག་པ་དང་འཁོར་ལོས་སྒྱུར་བའི་རྒྱལ་པོའི་ཆོས་ཉིད་ཇི་ལྟ་བ་བཞིན་དུ་ཆོས་ཀྱི་འཁོར་ལོ་བསྐོར་བའི་སངས་རྒྱས་རྣམས་ཀྱི་ཆོས་ཉིད་ཀྱང་དེ་དང
78b7 འདྲ་སྟེ། དེ་ལྟར་ན། སངས་རྒྱས་བཅོམ་ལྡན་འདས་རྣམས་བསམ་གྱིས་མི་ཁྱབ་བོ། །ཆོས་བསྟན་པའང་བསམ་གྱིས་མི་ཁྱབ་བོ། །དེ་བཞིན་དུ་ཉན་པ་པོ་རྣམས་དང་། ཡིད་ཆེས་པ་རྣམས་ཀྱང་བསམ
iiif viewer powered by OpenSeadragon
