| e-texts navigator |
| Wylie |
77a1 ནི|་ལེགས་པར་གསུངས་པ་ལ་མ་ལགས་སོ། །ཞེས་ཟེར་ན། ཉེས་པར་འགྱུར་རོ། །ཞེས་ང་ཟེ་རོ། །སྲུང་བ་ཞེས་བྱ་བ་ནི། ཇི་སྐད་བཤད། འདུལ་བ་ཞེས་བྱ་བ་ནི།
77a2 ཇི་སྐད་བཤད། སོ་སོར་ཐར་པ་ཞེས་བྱ་བ་ནི། ཇི་སྐད་བཤད་ཅེ་ན། ཉེས་པ་གཞན་ཡང་དུ་མ་ཡོད་དེ། དེ་དག་ཉོན་ཅིག་།དེ་ལ་སོ་སོར་ཐར་པ་ཇི་སྐད་བཤད་ཅེ་ན། སོ་སོར་ཐར་པ་ཞེས་བྱ་བ་ནི།
77a3 ཆོ་ག་ཤེས་པ་དང་། ཡོ་བྱད་བསྙུངས་པ་དང་། ལེན་པ་མེད་པའོ། །གཅིག་ཏུ་ན་སོ་སོར་ཐར་པ་ཞེས་བྱ་བ་ནི། གཉིས་ཀའི་དོན་ལས་གསོ་བར་བྱེད་པའི་ཕྱིར་རོ། །ལོག་པའི་ཚིག་ལས་གྲོལ་བར
77a4 བྱེད་པས་ན། ཐར་པའོ། །སྲུང་བ་ཞེས་བྱ་བ་ནི། རུང་བ་མ་ཡིན་པ་ཐམས་ཅད་ཀྱིས་འཚོ་བས་འགྲོ་བ་བཞི་པོ་རྣམས་སུ་ལྟུང་བར་བྱེད་པ་དང་། སེམས་ཅན་དམྱལ་བ་མནར་མེད་པ་ལ་སོགས་པ
77a5 འཇིགས་པའི་གནས་ཐམས་ཅད་དུ་བཙོ་བར་འགྱུར་བ་དེ་ལས་སྲུང་བའི་ཕྱིར་རོ། །འདུལ་བ་ཞེས་བྱ་བ་ནི། ཐོབ་པར་བྱེད་པ་དང་། འདུལ་བར་བྱེད་པ་དང་། ཆོ་ག་སྟོན་པའི་ཕྱིར་དང་། རྫས་ངན
77a6 པ་ལེན་པ་ལ་ངེས་པར་འབྱུང་བ་མེད་པའི་ཕྱིར་རྫས་ངན་པ་ལེན་པའང་མེད། རྫས་ངན་པ་སྦྱིན་པའང་མེད་པ་དེ་ནི། འདུལ་བ་ཞེས་བྱའོ། །འོ་ན་འདུལ་བའི་བསླབ་པའི་གཞི་དེ་ཅིའི་ཕྱིར་གཅིག་ཅར
77a7 མ་བཅས་ཤེ་ན། དེའི་ཚེ་ཁ་ཅིག་ཕམ་པ་བཞིའི་ཉེས་པ་བྱུང་བ་དག་ཀྱང་ཡོད། དགེ་འདུན་གྱི་ལྷག་མ་བཅུ་གསུམ་གྱི་ཉེས་བ་བྱུང་བ་དག་ཀྱང་ཡོད། སྤང་བའི་ལྟུང་བ་སུམ་ཅུའི་ཉེས་པ་བྱུང་བ་དག
iiif viewer powered by OpenSeadragon
