| e-texts navigator |
| Wylie |
74a1 པ་བཞུགས་ཏེ། འདི་ནི། གཞན་གྱི་ལྷག་པའི་བསམ་པ་ཞེས་བྱའོ། །འདྲི་བའི་དབང་ཞེས་བྱ་བ་ནི། འདི་ན་ལ་ལ་ཞིག་དེ་བཞིན་གཤེགས་པ་དགྲ་བཅོམ་པ་ཡང་དག
74a2 པར་རྫོགས་པའི་སངས་རྒྱས་ལ་ཞུ་བར་བྱེད་དེ། བཅོམ་ལྡན་འདས། ཇི་ལྟར་བགྱིས་ན། བདག་གིས་སུ་ལའང་ཅིའང་མ་སྩལ་བར་འཇིག་རྟེན་དུ་སྦྱིན་པ་པོར་གྲགས་པའི་གཏམ་སྙན་པ་ཐོབ་པར
74a3 འགྱུར་ལགས། དེ་བཞིན་གཤེགས་པས་དེ་ལ་དེ་སྐད་ཅེས་བཀའ་སྩལ་ཏོ། །ཆགས་པ་མེད་པ་ལ་བྲན་དང་། བྲན་མོ་བླང་བར་སྟོབས་ཤིག་།གཏན་དུ་ཚངས་པར་སྤྱོད་པ་ལ་བུ་མོའི་སྦྱིན་པ
74a4 གྱིས་ཤིག་། ཤ་མི་ཟ་བ་ལ་ཤ་ཟར་ཆུ་གཅིག་།ཆང་མི་འཐུང་བ་ལ་ཆང་འཐུང་ངུ་ཆུག་ཅིག་།ངུས་སུ་ཟ་བ་ལ་དུས་མ་ཡིན་པར་ཟས་བྱིན་ཅིག་།མེ་ཏོག་ཕྲེང་དང་། རྒྱན་མི་ཐོགས་པ་ལ་ཕྱེ་མ་དང་།
74a5 སྤོས་དང་། མེ་ཏོག་དང་། བདུག་པ་རྣམས་བྱིན་ཅིག་།དེ་དག་གི་དུས་ཤེས་པར་གྱིས་ལ་མགྲོན་དུ་བོས་ཤིག་དང་། ཁྱོད་ཀྱིས་དེ་ལྟར་བྱས་ན། འཇིག་རྟེན་འདིར་སྦྱིན་བདག་གི་རྒྱལ་པོ་ཡིན་ནོ། །
74a6 ཞེས་གྲགས་པ་ཆེན་པོར་འགྱུར་ཏེ། བསོད་ནམས་འཕེལ་བར་ནི། མི་འགྱུར་རོ། །འཕགས་པ་ཡོངས་སུ་མྱ་ངན་ལས་འདས་པ་ཐེག་པ་ཆེན་པོའི་མདོ། །བམ་པོ་ལྔ་པ། དེ་ནས་འོད
74a7 སྲུང་ཆེན་པོ་དང་རུས་གཅིག་པས་འདི་སྐད་ཅེས་གསོལ་ཏོ། །ཤ་མི་འཚལ་བ་ལ་གཟུང་བ་ནི། ཆེད་ཆེར་བགྱི་བ་ལགས་ན། ཤ་མི་འཚལ་བ་ལའང་འཚལ་དུ་སྩལ་ན། ནོངས་པར་མི
iiif viewer powered by OpenSeadragon
