| e-texts navigator |
| Wylie |
73b1 ཆེ་ཞེ། གཞན་ཡང་དཔེར་ན། ཁྱོད་གཞན་གྱིས་བོས་སམ། གཞན་གྱི་གཙུག་ཕུད་བཅའ་བའི་ཕྱིར་གྲོང་གཞན་དུ་འགྲོ་བར་འདོད་པ་ན་བུ་ངན་པ་རྣམས་བོར་ཏེ་བུ་བཟང་པོ་རྣམས་བླངས་ནས་གཏེར
73b2 གསང་བ་རྣམས་སྟོན་པར་བྱེད་དམ། བཅོམ་ལྡན་འདས། དེ་ནི། བཀའ་མད་དེ། བུ་ངན་པ། ཚུལ་མ་མཆིས་པ། ནོར་གྱི་སྐལ་བ་ཅན་མ་ལགས་པ་དེ་དག་ལ་ནི། བདག་ནོར་སྟོན་པར་མི
73b3 བགྱིད་ལགས་ཀྱི། བདག་ནི། བུ་བཟང་པོ། །ཁྱིམ་སོ་འཛིན་པ། ཁྱིམ་གྱི་དོན་སྒྲུབ་པ། རྫས་བསྟན་པར་འོས་པ་དེ་དག་ལ་སྟོན་པར་བགྱིད་ལགས་སོ། །བཀའ་སྩལ་པ། ཆེ་ཞེ། དེ་བཞིན་དུ
73b4 གང་གི་ཚེ་ཡོངས་སུ་མྱ་ངན་ལས་འདས་པ་ཆེན་པོར་འགྲོ་བའི་བྱ་བ་བྱེད་པ་དེའི་ཚེ་དེ་བཞིན་གཤེགས་པ་གསང་བ་སྣ་ཚོགས་ཀྱི་དགོངས་པའི་ཚིག་མ་ལུས་པར་ཉན་ཐོས་རྣམས་ལ་སྟོན་ཏེ། དེར་སྲས
73b5 རྣམས་ལ་དད་པ་སྦྱིན་པར་མཛད་དོ། །ཆེ་ཞེ། དཔེར་ན། ཁྱོད་བྱེས་སུ་སོང་བ་ན་བུ་ངན་པ་རྣམས་ཁྱོད་མ་ཤི་བར་ཤིའོ། །སྙམ་དུ་སེམས་སམ། བཅོམ་ལྡན་འདས། དེ་ནི། བཀའ་མད་དོ། །བཀའ
73b6 སྩལ་པ|་དེ་ནས་ཁྱེད་ཕྱིར་འོངས་པ་དེ་དག་གིས་མཐོང་བ་དེ་བཞིན་དུ་ཆེ་ཞེ། ང་ལ་མི་རྟག་གོ། སྙམ་དུ་འདུ་ཤེས་མ་བྱེད་ཅིག་།དེང་དེ་བཞིན་གཤེགས་པ་ཡོངས་སུ་མྱ་ངན་ལས་འདའ་བར་འགྱུར་རོ། །
73b7 ཞེས་ཤི་བའི་འདུ་ཤེས་བཞིན་དུ་དེ་ལྟར་མ་འཛིན་ཅིག་།གང་དག་རྟག་ཏུ་དེ་བཞིན་གཤེགས་པ་རྟག་པ་དང་། བརྟན་པ་དང་། ཐེར་ཟུག་པའོ། །སྙམ་དུ་འཛིན་པ་དེ་དག་གི་ཁྱིམ་ན་ནི། དེ་བཞིན་གཤེགས
iiif viewer powered by OpenSeadragon
