| e-texts navigator |
| Wylie |
73a1 སོ|་|བཀའ་སྩལ་པ། ཆེ་ཞེ། ལེགས་སོ། །ལེགས་སོ། །རིགས་ཀྱི་བུ་མོས་ནི། དེ་ལྟར་བྱ་དགོས་སོ། །ཆེ་ཞེ། གཞན་ཡང་གང་གི་ཚེ་ཁྱོད་ཀྱི་བུ་གོམ་པ་འདོར་ནུས་པར
73a2 གྱུར་པ་དེའི་ཚེ་ཁ་ཟས་སྣུམ་པ་གང་དང་གང་བྱིན་པ་དེ་དང་དེ་འཇུ་ནུས་པར་འགྱུར་རོ། །བཅོམ་ལྡན་འདས། དེ་ནི། བཀའ་མད་དོ། །བཀའ་སྩལ་པ། ཅི་དང་བོའི་ཟས་ཀྱིས་མགུ་བར་འགྱུར་རམ།
73a3 གསོལ་པ། བཅོམ་ལྡན་འདས། དེ་ནི། མ་ལགས་སོ། །བཀའ་སྩལ་པ། ཆེ་ཞེ། དེ་བཞིན་དུ་གང་གི་ཚེ་ངའི་ཉན་ཐོས་རྣམས་ཀྱིས་བྱིས་པ་ཆུང་དུ་ཉུང་དུ་ཟ་བ་དང་འདྲ་བ་དེའི་ཚེ་ང་མར་དང་འདྲ
73a4 བ་སྡུག་བསྔལ་དང་། མི་རྟག་པ་དང་། སྟོང་པ་དང་། བདག་མེད་པའི་དོན་དུ་སྟོན་ཏོ། །གང་གི་ཚེ་ཁྱོད་ཀྱི་བུ་སྐྱེས་པ་བཞིན་དུ་ཉན་ཐོས་ཆེན་པོར་གྱུར་ཏེ། སྟོབས་ཆེར་སྐྱེས་ཤིང་ཐེག
73a5 པ་ཆེན་པོ་འདོད་པར་གྱུར་པ་དེའི་ཚེ་ནི། ངའང་རོ་དྲུག་དང་ལྡན་པའི་ཁ་ཟས་ཆེན་པོ་དང་འདྲ་བའི་ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་སྟོན་ཏོ། །དེ་ལ་རོ་དྲུག་པོ་རྣམས་གང
73a6 ཞེ་ན|་སྡུག་བསྔལ་གྱི་སྐྱུར་དང་། མི་རྟག་པའི་ལན་ཚྭ་དང་། བདག་མེད་པའི་ཚ་བ་དང་། བདེ་བའི་མངར་བ་དང་། བདག་ཡོད་པའི་བསྐ་བ་དང་། རྟག་པའི་ཁ་བ་རྣམས་ཏེ། རོ་དྲུག་པོ་འདི
73a7 རྣམས་ཉོན་མོངས་པའི་བུད་ཤིང་དང་། སྒྱུ་མའི་མེས་བཙོས་པའི་ཟས་ཡོངས་སུ་མྱ་ངན་ལས་འདས་པ་ཆེན་པོའི་དེ་ཁོ་ན་ཉིད་ཀྱི་འབྲས་ཆན་ཞིམ་པོ་ངའི་ཉན་ཐོས་རྣམས་ཟ་བར་འགྱུར་རོ། །
iiif viewer powered by OpenSeadragon
