| e-texts navigator |
| Wylie |
72b1 ཆུད་ནས་ཆོས་སྟོན་པར་མཛད་དེ། དཔེར་ན། བུད་མེད་བུ་ལ་བྱམས་པའི་ཐབས་མཁས་པས་ཇི་ཙམ་འཇུ་ནུས་པའི་དྲོད་ཤེས་ནས་རང་གི་མཛུབ་མོའི་ཐོར་ཏོས་བདག་གི་བུ་ཆུང་དུ་མར་བལྡག་ཏུ
72b2 བཅུག་པ་བཞིན་ནོ། །ཞེས་གསུངས་སོ། །དེ་ནས་བུད་མེད་དེས་འདི་སྐད་ཅེས་གསོལ་ཏོ། །ཀྱེ་མ། བཅོམ་ལྡན་འདས་ཀྱིས་ནི། བདག་གི་སེམས་ཀྱི་རྟོག་པ་ཐུགས་སུ་ཆུད་ནས་ལྷག་ཆད་མེད་པར
72b3 བཀའ་སྩལ་ཏེ། བདག་སློབ་ཏུ་སྩལ་བ་ཁོ་ན་བཞིན་ལགས་སོ། །བཅོམ་ལྡན་འདས། བདག་གིས་དེང་བྱིས་པ་ལ་མཛུབ་མོའི་ཐོར་ཏོས་ཆབ་མར་སྩལ་བ་དྲག་པར་འགྱུར་ཏེ། དེས་ན། འདི་མ་ཞུ
72b4 བར་གྱུར་ལགས་སོ། །བཅོམ་ལྡན་འདས། ཅི་ལགས། བདག་གི་ཁྱེའུ་འདི་ཚེ་རིང་བར་འགྱུར་རམ། འོན་ཏེ་ཚེ་ཐུང་བར་འགྱུར་བ་བཅོམ་ལྡན་འདས་དེ་བཞིན་གཤེགས་པས་བསྟན་དུ་གསོལ། བཀའ
72b5 སྩལ་པ། ཁྱོད་ཀྱི་བུ་འདི་བདེ་བ་དང་ལྡན་ཞིང་ཚེ་རིང་བར་འགྱུར་རོ། །དེ་ནས་བུད་མེད་དེ་མགུ་བར་གྱུར་ནས་གསོལ་པ། ཁྱོད་ཀྱི་བདེན་པའི་ཚིག་གིས་བདག་ཤིན་ཏུ་མགུ་ལགས་སོ། །དེ་ལྟར་དེ་བཞིན
72b6 གཤེགས་པ་ནི། གདུལ་བར་བྱ་བའི་དབང་ལ་གཟིགས་ཤིང་འཇུ་བ་དང་མི་འཇུ་བའི་ཉམ་སྟོབས་དང་སྦྱར་ནས་ཆོས་ཐམས་ཅད་བདག་མེད་པ་དང་། སྡུག་བསྔལ་བར་སྟོན་པར་མཛད་དོ། །གལ་ཏེ
72b7 བཅོམ་ལྡན་འདས་ཀྱིས་སྟོབས་ཆེ་ཆུང་དང་མ་སྦྱར་བར་སེམས་ཅན་རྣམས་ལ་རྟག་པའི་གསང་བ་བསྟན་པ་ལགས་ན། ཆབ་མར་མ་ཞུ་བ་དང་འདྲ་བར་སེམས་ཅན་རྣམས་ཆབ་འཚལ་བར་འགྱུར་ལགས
iiif viewer powered by OpenSeadragon
