| e-texts navigator |
| Wylie |
72a1 འབྲུ་སྣ་ཚོགས་རྣམས་ལ་དེ་བཞིན་གཤེགས་པས་གསུངས་པ་ཡིན་ནོ། །ཞེས་བྱས་ནས་སངས་རྒྱས་བཅོམ་ལྡན་འདས་དང་། ཆོས་དང་། དགེ་སློང་གི་དགེ་འདུན་ནི།
72a2 མི་རྟག་གོ་།ཞེས་ཟེར་བ་བས་ནི། ཤིང་གི་ཕུང་པོ་འབར་བ་འདི་ལ་ཀུན་ནས་རེག་ཅིང་པང་དུ་བླངས་ཀྱང་བླའོ། །གང་དག་བདུད་ཀྱིས་སྨྲས་པའོ། །ཞེས་ཟེར་བ་དང་། གང་དག་ཕྱིན་ཅི་ལོག་གི
72a3 ཆོས་དེ་འཛིན་པར་བྱེད་པ་དེ་དག་ནི། བརྫུན་དུ་སྨྲ་བའོ། །དེ་བཞིན་གཤེགས་པ་མི་རྟག་གོ། ཞེས་བྱ་བའི་ཚིག་སྨྲ་བ་བས་ནི། ཤིང་གི་ཕུང་པོ་འབར་བ་འདི་ལ་ལྕེས་ཀུན་ནས་རེག་པར་བྱས
72a4 ཏེ་ཤིའང་བླའི། ཚིག་དེ་ནི། མཉན་པར་ཡང་མི་བྱའོ། །དེ་བཞིན་གཤེགས་པ་རྟག་པའོ། །ཞེས་འདོགས་མི་ནུས་པ་དེ་དག་ནི། མྱ་ངན་དུ་བྱ་བ་ཡིན་ནོ། །སངས་རྒྱས་བཅོམ་ལྡན་འདས
72a5 ནི|་བསམ་གྱིས་མི་ཁྱབ་བོ། །དེ་བཞིན་དུ་དེའི་རྗེས་སུ་བསྟན་པ་དང་། ཉན་ཐོས་ཀྱི་དགེ་འདུན་ཡང་བསམ་གྱིས་མི་ཁྱབ་པོ། །སྙམ་དུ་གཟུང་བར་བྱའོ། །དེ་ལ་སོགས་པ་ཤིང་གི་ཕུང་པོ
72a6 འབང་བ་ཞེས་བྱ་བ་མན་ཆད་ནི། རང་གི་ལྷག་པའི་བསམ་པ་ཞེས་བྱ་བའི་སྣ་གྲངས་སོ། །གཞན་གྱི་ལྷག་པའི་བསམ་པ་ཞེས་བྱ་བ་ནི། བཅོམ་ལྡན་འདས་ཆོས་སྟོན་ཅིང་བཞུགས་པ་ན་བུད
72a7 མེད་གཞོན་ནུ་གསར་དུ་བུ་བྱུང་བ་ལ་ལ་ཞིག་བཅོམ་ལྡན་འདས་ཀྱི་ཐད་དུ་འོངས་ནས་ཕྱོགས་གཅིག་ཏུ་འདུག་སྟེ་སེམས་ཤིང་འདུག་གོ། དེ་ནས་བཅོམ་ལྡན་འདས་ཀྱིས་དེའི་བསམ་པ་ཐུགས་སུ
iiif viewer powered by OpenSeadragon
