| e-texts navigator |
| Wylie |
71b1 ཁྱབ་ལགས་སོ། །ཆོས་བསྟན་པ་བསམ་གྱིས་མི་ཁྱབ་ལགས་སོ། །དགེ་འདུན་ཡོན་ཏན་གྱི་ཚེགས་དང་ལྡན་པ་བསམ་གྱིས་མི་ཁྱབ་ལགས་སོ། །དེ་བཞིན་དུ་ཡོངས་སུ་མྱ་ངན་ལས་འདས་པ་ཆེན་པོའི
71b2 མདོ་འདིའང་བསམ་གྱིས་མི་ཁྱབ་ལགས་སོ། །འདི་ལ་གང་དག་བཀའ་བཞིན་དུ་བྱེད་པ་དེ་དག་ནི། ཡང་དག་པར་འཛིན་པའི་སེམས་ཅན་ལགས་སོ། །དེ་དག་ནི། མཆོད་རྟེན་ལྟ་བུ་ལགས་སོ། །
71b3 གཞན་ནི། མྱ་ངན་དུ་བགྱི་བ་ལགས། མིང་ཤེས་པའི་དགོན་པ་ན་འཁོད་པ་ལགས་སོ། །མདོའི་མིང་གི་གཏན་ཚིགས་དང་། ཡོན་ཏན་གྱི་ཚུལ་གྱི་ལེའུ་ཞེས་བྱ་སྟེ། གསུམ་པའོ།། །།རིགས་ཀྱི་བུ། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། མྱ་ངན་ལས་འདས་པ་ཆེན་པོའི་མདོ་ཆེན་པོ་ལས་ཆོས་ཀྱི་སྣ་གྲངས་རྣམ་པ་བཞི་སྟོན་པར་བྱེད་དེ། སྣ་གྲངས་རྣམ་པ
71b4 བཞི་གང་ཞེ་ན། རང་གི་ལྷག་པའི་བསམ་པ་ཞེས་བྱ་བ་དང་། གཞན་གྱི་ལྷག་པའི་བསམ་པ་ཞེས་བྱ་བ་དང་། འདྲི་བའི་དབང་ཞེས་བྱ་བ་དང་། དོན་གྱི་དམིགས་བྱུང་བའི་དབང་ཞེས་བྱ་བ་སྟེ། བཞི
71b5 པོ་ནི། དེ་དག་ཡིན་ནོ། །དེ་ལ་རང་གི་ལྷག་པའི་བསམ་པ་ཞེས་བྱ་བ་ནི། དེ་བཞིན་གཤེགས་པས་གང་ལ་གཟིགས་ནས་ཆོས་སྟོན་པར་མཛད་པ་སྟེ། དཔེར་ན། ཤིང་གི་ཕུང་པོ་འབར་ཞིང་སྣང
71b6 བར་གྱུར་བ་གཟིགས་ནས་དགེ་སློང་དག་། གང་དག་དེ་བཞིན་གཤེགས་པ་ལས་གསང་བ་སྣ་ཚོགས་ཐོས་ན། འདི་ནི། བདུད་ཀྱིས་སྨྲས་པ་ཡིན་ནོ། །ཞེས་གཞན་དག་ལ་ཟེར་ཞིང་། རང་བཟོའི་ཚིག
iiif viewer powered by OpenSeadragon
