| e-texts navigator |
| Wylie |
71a1 མངར་བ་བརྒྱད་ཀྱི་སྨན་འབའ་ཞིག་ལྷག་པར་ཕན་པ་དེ་བཞིན་དུ། དེ་བཞིན་གཤེགས་པའི་དགོངས་པའི་ཚིག་གི་མཁྲིས་བ་རྒྱས་པའི་ནད་ཀྱིས་ཟིན་པ་ལའང་ཐེག་པ
71a2 ཆེན་པོའི་མདོ་སྡེ་དང་། མྱ་ངན་ལས་འདས་པ་ཆེན་པོའི་མངར་བ་བརྒྱད་ཀྱི་སྨན་འབའ་ཞིག་ལྷག་པར་ཕན་ཏེ། འདིར་མངར་བ་བརྒྱད་གང་ཞེ་ན། རྟག་པ་དང་། བརྟན་པ་དང་། ཐེར་ཐུག་དང་། ཞི
71a3 བ་དང་། བསིལ་བའི་རང་བཞིན་དང་། རྒ་བ་མེད་པ་དང་། འཆི་བ་མེད་པ་དང་། དྲི་མ་མེད་པ་དང་། བདེ་བ་སྟེ། འདི་རྣམས་ནི། འདིར་མངར་བ་བརྒྱད་ཅེས་བྱ་སྟེ། གང་གི་ཕྱིར་མངར་བ་ཆེན་པོ་ཡིན་པས
71a4 ན|་དེའི་ཕྱིར་ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་མིང་དང་། ཡོན་ཏན་དང་། ཚུལ་དེ་ལ་གནས་ན། ཡོངས་སུ་མྱ་ངན་ལས
71a5 འདས་པ་རྣམ་པ་དུ་མ་སྟོན་ཏེ། དེ་བས་ན། ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱའོ། །རིགས་ཀྱི་བུའམ། རིགས་ཀྱི་བུ་མོ་ཡོངས་སུ་མྱ་ངན་ལས་འདས་པ་ཆེན་པོ་འདིས་མྱ་ངན་ལས
71a6 འདའ་བར་འདོད་པས་ནི། དེ་བཞིན་གཤེགས་པ་དང་། ཆོས་དང་། དགེ་འདུན་རྟག་གོ་།ཞེས་བྱ་བ་ལ་བརྩོན་པར་བྱའོ། །རིགས་ཀྱི་བུའམ། རིགས་ཀྱི་བུ་མོ་ཡོངས་སུ་མྱ་ངན་ལས་འདས
71a7 པ་ཆེན་པོའི་སྤྱད་པ་སྤྱོད་པར་འདོད་པས་ནི། དེ་བཞིན་གཤེགས་པ་རྟག་གོ་།ཞེས་བྱ་བ་ལ་བརྩོན་པར་བྱའོ། །གསོལ་པ། ཀྱེ་མ་བཅོམ་ལྡན་འདས། དེ་བཞིན་གཤེགས་པ་བསམ་གྱིས་མི
iiif viewer powered by OpenSeadragon
