| e-texts navigator |
| Wylie |
70b1 བསྒོམས་ཟིན་ནས་ཀྱང་མདོ་གཞན་གྱི་བཅུད་འདོད་པར་བྱེད་ལ། མདོ་འདིའི་བཅུད་ནི། ཐམས་ཅད་གྲུབ་པའི་མཐར་ཐུག་པ་དང་། འདིས་སེམས་ཅན་ཐམས་ཅད་སྲིད་པ་ཐམས་ཅད་ལས་བརྒལ་བར
70b2 འགྱུར་བ་ཡིན་ནོ། །རིགས་ཀྱི་བུ། དཔེར་ན། རྗེས་ཀྱི་སྣ་གྲངས་ཅིའང་རུང་བ་དེ་དག་ཐམས་ཅད་ནི། གླང་པོའི་རྗེས་ཀྱི་ཁོངས་སུ་འདུ་བར་འགྱུར་ཏེ། གླང་པོ་ཆེའི་རྗེས་ནི། དེ་དག་གི་ནང་ན་མཆོག་ཅེས
70b3 བྱ|་རབ་མཆོག་ཅེས་བྱ། གཙོ་བོ་ཞེས་བྱ་བ་དེ་བཞིན་དུ། རིགས་ཀྱི་བུ། མདོ་འདིའི་ཏིང་ངེ་འཛིན་ཅིའང་རུང་བ་དེ་དག་ཐམས་ཅད་ནི། ཡོངས་སུ་མྱ་ངན་ལས་འདས་པ་ཆེན་པོ་ཁོ་ནའི་ཁོངས་སུ་འདུ
70b4 བར་འགྱུར་ཏེ། མདོ་འདིའི་ཏིང་ངེ་འཛིན་ཐམས་ཅད་ཀྱི་ནང་ན་ཡོངས་སུ་མྱ་ངན་ལས་འདས་པའི་མདོ་ཆེན་པོ་མཆོག་ཅེས་བྱ། རབ་མཆོག་ཅེས་བྱ། །གཙོ་བོ་ཞེས་བྱའོ། །རིགས་ཀྱི་བུ། གཞན་ཡང་དཔེར
70b5 ན|་སྟོན་གྱི་དུས་སུ་ལོ་ཏོག་བཏབ་པ་ནི། རྨོས་ཐམས་ཅད་ཀྱི་མཆོག་ཅེས་བྱ། རབ་མཆོག་ཅེས་བྱ། གཙོ་བོ་ཞེས་བྱ་བ་དེ་བཞིན་དུ། ཡོངས་སུ་མྱ་ངན་ལས་འདས་པའི་མདོ་ཆེན་པོའི་རྟག་པ་ཉིད་ཀྱི
70b6 གཤོལ་ཆེན་པོའི་རྨོས་པ་ནི། མདོ་ཐམས་ཅད་ཀྱི་མཆོག་ཅེས་བྱ། རབ་མཆོག་ཅེས་བྱ། གཙོ་བོ་ཞེས་བྱའོ། །དེ་བཞིན་དུ་ཐམས་ཅད་ལའང་སྦྱར་བ་བྱ་སྟེ། འདིར་དཀར་པོའི་ཕྱོགས་ཀྱི་ཐབས་དང
70b7 སྦྱར་རོ|་|ཉན་ཐོས་ཀྱི་ཐེག་པའི་ཡང་དག་པར་ལྡན་པའི་མདོའི་རྣམ་པར་དབྱེ་བའང་འདིར་སྦྱར་བར་བྱའོ། །རིགས་ཀྱི་བུ། གཞན་ཡང་དཔེར་ན། མཁྲིས་པ་རྒྱས་པའི་ནད་ཀྱིས་ཐེབས་པ་ལ་ནི། མར་དང་།
iiif viewer powered by OpenSeadragon
