| e-texts navigator |
| Wylie |
70a1 དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་བ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱང་བ། རྡོ་རྗེ་ལྟ་བུའི
70a2 གཏེར་དང་། ཆེ་བར་གྲགས་པ་ཡིན་ནོ། །རིགས་ཀྱི་བུ། དཔེར་ན། གངྒཱ་དང་། ཡ་མུ་ན་ལ་སོགས་པ་ཆུ་ཀླུང་བརྒྱད་ནི། རྒྱ་མཚོ་ཆེན་པོ་ཁོ་ནར་འབབ་པ་དེ་བཞིན་དུ། ཉོན་མོངས་པ་རྣམ་པ་སྣ་ཚོགས
70a3 བྱེ་བ་སྙེད་ཀྱི་རང་བཞིན་གྱི་བདུད་ལ་སོགས་པ་བདུང་ཐམས་ཅད་ལས་རྣམ་པར་རྒྱལ་བ་ནི། ཡོངས་སུ་མྱ་ངན་ལས་འདས་པ་ཆེན་པོ་ལུས་འདོར་ཞིང་འཆི་ལ་འདི་ཁོ་ན་ཉིད་དུ་འདུ་བར་འགྱུར་ཏེ།
70a4 དེ་བས་ན། ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱའོ། །གཞན་ཡང་དཔེར་ན། སྨན་དཔྱད་རིག་པ་གསུམ་ལ་སོགས་པའི་རིག་པ་རྣམས་ནི། རང་རང་གི་རྒྱུད་ཕྱི་མ་ཁོ་ནའི་ཁོངས་སུ
70a5 འ་དུ་བར་འགྱུར་བ་དེ་བཞིན་དུ་དེ་བཞིན་གཤེགས་པས་གསུངས་པའི་དགོངས་པའི་ཚིག་གསང་བའི་ཆོས་ཀྱི་སྒོ་རྣམ་པ་སྣ་ཚོགས་ཐམས་ཅད་ཀྱང་ཡོངས་སུ་མྱ་ངན་ལས་འདས་པ་ཆེན་པོ་ཁོ་ནའི
70a6 ཁོངས་སུ་འདུ་བར་འགྱུར་བས་ན། དེའི་ཕྱིར་ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱའོ། །དཔེར་ན། དབྱར་གྱི་དུས་སུ་ཞིང་པས་གཤོལ་ཆེན་པོས་རྨོས་ཏེ་ས་བོན་བཏབ་ནས་ས་བོན
70a7 འགྲུབ་པར་འདོད་ལ། གྲུབ་ནས་ནི། ཐམས་ཅད་གྲུབ་པའི་མཐར་ཐུག་པ་དེ་ཡིན་པའི་ཕྱིར་འདོད་པ་མེད་པར་འགྱུར་བ་དེ་བཞིན་དུ་སེམས་ཅན་རྣམས་ཀྱིས་མདོ་ཐམས་ཅད་ཀྱི་ཏིང་ངེ་འཛིན
iiif viewer powered by OpenSeadragon
